Ücretsiz php script indir film izle hd film izle shell indir md5 cracker dizi izle hacklink satışı PDO Kullanımı shell indir Warez

Alternative content

03:35 13 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Türkiyəli professor Yavuz Akpınara Ədəbiyyat İnstitutunun “İlin alimi” mükafatı təqdim olunub
Türkiyəli professor Yavuz Akpınara Ədəbiyyat İnstitutunun “İlin alimi” mükafatı təqdim olunub
ANA SƏHİFƏ / Elm və texnika
09:04 23.04.2018

Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun elmi şurasının qərarı ilə türkiyəli yazıçı, tədqiqatçı, professor Yavuz Akpınar “İlin alimi” mükafatına layiq görülüb.

AZƏRTAC xəbər verir ki, aprelin 23-də institutun elektron akt zalında mükafatın təqdimetmə mərasimi keçirilib.

Tədbiri AMEA-nın vitse-prezidenti, institutun direktoru, akademik İsa Həbibbəyli açaraq Y.Akpınarın bu mükafata Azərbaycan ədəbiyyatının Türkiyədə tədqiqi və təbliği istiqamətində araşdırmalarına görə layiq görüldüyünü bildirib.

İ.Həbibbəyli daha sonra Y.Akpınarın hələ sovet dövründə Azərbaycan ədəbiyyatı ilə bağlı apardığı araşdırmalardan bəhs edib. Bildirib ki, alim Azərbaycanın görkəmli dramaturqu Mirzə Fətəli Axundzadənin yaradıcılığına dair doktorluq işi müdafiə edib, həmçinin “Əkinçi”, “Şərqi-Rus”, “Həyat” qəzetləri, “Füyuzat”, “Molla Nəsrəddin”, “Yeni Qafqasya” jurnalları, o cümlədən İsmayıl Qaspiralı ilə bağlı önəmli araşdırmalar aparıb. O, Y.Akpınarın uzun illər Ərzurum Atatürk və Egey universitetlərində Azərbaycan ədəbiyyatını tədris etdiyini deyib, “Nəriman Nərimanov” dövlət mükafatına, eləcə də Azərbaycan Yazıçılar Birliyinin “Rəsul Rza” mükafatına layiq görüldüyünü xatırladıb.

Akademik, həmçinin tədqiqatçının 1982-ci ildə İbrahim Bozyellə birgə təsis etdiyi “Qardaş ədəbiyyatlar” jurnalının iki ölkə arasında ədəbi əlaqələrin qurulmasında və inkişafında önəmli rol oynadığını vurğulayıb.

Sonra akademik İ.Həbibbəyli professor Yavuz Akpınara “İlin alimi” mükafatını və döş nişanını təqdim edib, ona elmi fəaliyyətində uğurlar arzu edib.

Daha sonra çıxış edən professor Yavuz Akpınar hazırda M.Ə.Rəsulzadənin Azərbaycan tarixinə dair 120 səhifəlik çap olunmamış kitabı, o cümlədən 10-a yaxın dərc edilməmiş məqaləsini nəşrə hazırladığını bildirib. Alim Azərbaycanın tarixinə, qəzet və jurnallarına, eləcə də görkəmli ədəbiyyatçılarına dair Türkiyə mənbələrində önəmli faktların olduğunu və onların tədqiqinə zərurət yarandığını deyib.

Tədbirdə, həmçinin filologiya elmləri doktoru, professor Şirindil Alışanov, filologiya üzrə fəlsəfə doktoru Nikpur Cabbarlı, Bakı Yunus Əmrə İnstitutunun direktoru Cihan Özdəmir və başqaları çıxış edərək Yavuz Akpınarın Azərbaycan ədəbiyyatına dair tədqiqatlarından, iki ölkə arasında ədəbi əlaqələrin inkişafındakı xidmətlərindən və insani keyfiyyətlərindən danışıblar.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM