17 Aprel 2018 04:04
459
Elm və texnika
A- A+

Bilik Fondunun təcrübəçiləri prezident seçkisi ilə bağlı mühazirə dinləyiblər

 

Aprelin 17-də Azərbaycan Respublikasının Prezidenti yanında Bilik Fondunda toplantı keçirilib.

AZƏRTAC xəbər verir ki, Bilik Fondunda istesalat təcrübəsi keçən Bakı Dövlət Universiteti və Azərbaycan Dövlət Mədəniyyət və İncəsənət Universitetinin beynəlxalq münasibətlər fakültələrində təhsil alan və Bakı Slavyan Universitetində yunanşünaslıq ixtisasına yiyələnən tələbələr qurumun mətbuat katibi Ceyhun Musaoğlunun "Azərbaycandakı prezident seçkiləri: nəticələr və perspektivlər" mövzusunda mühazirəsini dinləyiblər.

Prezident seçkilərində namizədlərə və seçicilərə yaradılmış demokratik şəraitdən danışan natiq bildirib ki, hər bir seçici özünün iradəsini sərbəst ifadə edərək növbəti yeddiillik dövr üçün Azərbaycan Respublikasının Prezidentini seçib.

C.Musaoğlu Prezident İlham Əliyevin seçkidən sonrakı çıxışında səsləndirdiyi "gələcək gənclərindir" fikrindən çıxış edərək, dinləyiciləri, xüsusən də gələcəyin diplomatları kimi yetişən tələbələri dövlətə qarşı yönələn təhdidlərin qarşısında sipər olmağa çağırıb.

Bilik Fondunun mətbuat katibi Azərbaycana qarşı qərəzli mövqedə olan qüvvələrin məkrli niyyətlərindən bəhs edib. O, gənclərin hadisələrə açıq düşüncə ilə reaksiya vermələrini, qərəzli münasibətin şaxələnməsinə qarşı çıxmalarını onların vətəndaşlıq mövqeyi ilə əsaslandırıb.

Sonda iştirakçıların sualları cavablandırılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video