Alternative content

23:54 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Zeitung” portalı: İlham Əliyevi seçkilərdə dəstəkləyən insanlar Azərbaycanın sosial-iqtisadi inkişafına səs veriblər
“Zeitung” portalı: İlham Əliyevi seçkilərdə dəstəkləyən insanlar Azərbaycanın sosial-iqtisadi inkişafına səs veriblər
ANA SƏHİFƏ / Səhiyyə
04:04 17.04.2018

İsveçrənin “Zeitung” portalında Azərbaycanda keçirilmiş prezident seçkiləri ilə bağlı “İlham Əliyev üçün verilən səs Azərbaycanın bundan sonra da sosial-iqtisadi inkişafı naminə verilən səsdir” sərlövhəli oxucu məktubu dərc olunub.

Merlinda Dauti adlı oxucu tərəfindən yazılmış məktubda Azərbaycanın son illərdə sürətli iqtisadi inkişafı sayəsində Qafqaz regionunda qabaqcıl ölkəyə çevrilməsi, birbaşa xarici investisiyaların həcminə görə regionda aparıcı ölkə olması qeyd edilir. Vurğulanır ki, on ildən artıqdır Azərbaycan ümumi daxili məhsulun artım tempinə, birbaşa xarici investisiyalara və digər iqtisadi göstəricilərə görə öncül mövqelərdədir. Bu inkişafın özülünün Heydər Əliyev tərəfindən qoyulduğu diqqətə çatdırılır, vaxtilə onun rəhbərliyi altında həyata keçirilən köklü islahatların, sabitlik və sosial dialoq siyasətinin, ölkənin tərəqqisinə rəvac verən yeni qanunların qəbulunun əhəmiyyəti vurğulanır. Qeyd edilir ki, hazırda həmin siyasət uğurla davam etdirilir və nəticədə bu gün Azərbaycan Xəzər hövzəsi və Qafqaz regionunda ən dinamik iqtisadi mərkəzə çevrilib.

Yazıda vurğulanır ki, ölkədə keçirilən növbəti prezident seçkilərində İlham Əliyev seçicilərin mütləq səs çoxluğu ilə yenidən dövlət başçısı seçilib. İlham Əliyevi seçkilərdə dəstəkləyən insanlar növbəti yeddi ildə Azərbaycanın sosial-iqtisadi inkişafı naminə səs veriblər. Çünki Azərbaycan Prezident İlham Əliyevin rəhbərliyi altında iqtisadiyyatda böyük inkişaf mərhələsi keçib, sosial və digər sahələrdə insanların rifahı yaxşılaşıb, Azərbaycanın beynəlxalq aləmdə mövqeləri xeyli dərəcədə möhkəmlənib. Bütün bunlar Prezident İlham Əliyevin siyasi nüfuzunu yüksək səviyyəyə qaldırıb.

 

AZƏRTAC