Alternative content

07:49 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Amerikalı tədqiqatçı: Qədim Mesopotamiyanın masaüstü oyunlarının Azərbaycanda mövcudluğunu sübut edən dəlillər var
Amerikalı tədqiqatçı: Qədim Mesopotamiyanın masaüstü oyunlarının Azərbaycanda mövcudluğunu sübut edən dəlillər var
ANA SƏHİFƏ / Elm və texnika
12:04 17.04.2018

ABŞ-ın Arizona Dövlət Universitetinin və Amerika Təbiət Tarixi Muzeyinin əməkdaşı Valter Krist Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunda keçirilən seminarda “Qədim Mesopotamiyanın masaüstü oyunları Azərbaycanda” mövzusunda elmi məruzə ilə çıxış edib.

AMEA-dan AZƏRTAC-a bildirilib ki, əvvəlcə institutun direktoru, professor Maisə Rəhimova amerikalı tədqiqatçı barədə iştirakçılara məlumat verib. Bildirib ki, əsas elmi tədqiqat istiqaməti Yaxın Şərqin qədim masaüstü oyunları olan V.Kristin fikrincə, qədim Azərbaycan ərazisində də masaüstü oyunların bəzilərinin mövcudluğunu sübut edən dəlillər var. Amerikalı alim Abşeron yarımadası ərazisində, o cümlədən Qobustan abidələrində bəzi qayaüstü rəsmlərin qədim Yaxın Şərqdə mövcud masaüstü oyunlarla oxşarlığı, həmçinin qədim Azərbaycanda bu oyunların sosial konteksti və mədəni təsirlə ölkəmizə gəlməsi barədə fikirlər irəli sürüb.

Tədqiqatçı Qobustan qayalarında qeyd edilmiş bəzi rəsm və müəyyən qayda ilə düzülmüş süni dəliklərin vaxtilə İshaq Cəfərzadə tərəfindən masaüstü oyunlar kimi şərh edildiyini bildirib. O, Qobustanda, Abşeron yarımadasının Türkan, Dübəndi və digər məntəqələrində müəyyən tapıntıların Mesopotamiya, Qədim Misir, Anadolu, Kipr və hətta erkən orta əsrə aid Almaniya ərazisində aşkarlanmış masaüstü oyunlarla oxşar olduğunu slaydlar vasitəsilə nümayiş etdirib. Amerikalı tədqiqatçı Qədim Misirdə “Tazılar və çaqqallar/58 xana” adlı oyunun müxtəlif variantlarının Yaxın Şərqdə geniş yayıldığını, xüsusilə Qobustandakı Çapmalı tunc dövrü yaşayış yeri yaxınlığındakı qayaların birində süni dəliklərin düzülüşü ilə bu oyunun əks olunduğunu qeyd edib. V.Krist masaüstü oyunların növləri, onlarda qədim cəmiyyətdə baş verən sosial dəyişikliklərin naxışlar şəklində qeyd olunması, həmçinin qarşıda duran tədqiqat istiqamətləri barədə də məlumat verib.