Alternative content

23:19 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ankarada Azərbaycanın Xalq Yazıçısı Anarın yubileyi qeyd olunub
Ankarada Azərbaycanın Xalq Yazıçısı Anarın yubileyi qeyd olunub
ANA SƏHİFƏ / Mədəniyyət
10:04 17.04.2018

Türkiyədə Azərbaycanın Xalq Yazıçısı, görkəmli ictimai xadim və ədib, Yazıçılar Birliyinin sədri Anarın 80 illik yubileyi münasibətilə silsilə tədbirlər davam edir.

AZƏRTAC xəbər verir ki, növbəti tədbir Ankarada Beynəlxalq Türk Mədəniyyəti Təşkilatının (TÜRKSOY) mənzil-qərargahında keçirilib.

Toplantıda Azərbaycan və Türkiyənin dövlət qurumlarının təmsilçiləri, ədəbi dairələrinin nüfuzlu nümayəndələri, tanınmış ziyalılar, yaradıcılıq birliklərinin rəhbərləri iştirak ediblər.

Tədbirdə çıxış edən TÜRKSOY-un baş katibi Düsen Kaseinov bildirib ki, Anar türkdilli xalqların zəngin ədəbi xəzinəsinə mühüm töhfə verən yazıçılardandır. Onun əsərlərinin türk xalqlarının dillərinə tərcümə edilməsi yazıçının yaradıcılığına göstərilən ehtiramdır.

Türkiyə Prezidentinin Baş müşaviri Yalçın Topçu, Xalq Yazıçısı Çingiz Abdullayev, Azərbaycanın Ankaradakı səfiri Xəzər İbrahim və digər çıxışçılar Anarın zəngin və çoxşaxəli yaradıcılığından danışdılar.

Azərbaycan və Türkiyənin tanınmış yazıçıları və ədəbi tənqidçiləri Anarın Türkiyədə TÜRKSOY tərəfindən türk dilində çap edilən “Çağdaşlarım” adlı yeni kitabının türk ədəbiyyatına mühüm töhfə olduğunu qeyd ediblər. Kitabda yazıçının görkəmli şəxsiyyətlərə özünəməxsus baxışını əks etdirən yazıların yer aldığı vurğulanıb.

Yazıçı 80 illik yubileyinin yüksək səviyyədə qeyd edilməsinə görə, tədbirin təşkilatçılarına minnətdarlığını bildirib.

Daha sonra TÜRKSOY-un baş katibi Düsen Kaseinov yubilyara hədiyyə olaraq Qopuz təqdim edib.