Alternative content

15:06 21 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bilik Fondu Trabzonda Azərbaycan mətbuatı ilə bağlı mühazirə təşkil edib
Bilik Fondu Trabzonda Azərbaycan mətbuatı ilə bağlı mühazirə təşkil edib
ANA SƏHİFƏ / Elm və texnika
10:04 16.04.2018

Türkiyənin Trabzon şəhərində ənənəvi beynəlxalq ədəbiyyat festivalı keçirilib.

Festivalda Azərbaycanı təmsil edən "525-ci qəzet"in baş redaktoru, Yazıçılar Birliyinin katibi Rəşad Məcid Azərbaycan Respublikasının Prezidenti yanında Bilik Fondunun təşkilatçılığı ilə iki mövzuda mühazirə söyləyib.

Bilik Fondundan AZƏRTAC-a bildirilib ki, R.Məcid Qəzetçilər Cəmiyyətinin konfrans zalında “Cəmiyyətin məlumatlandırılmasında medianın rolu” adlı tədbir çərçivəsində “Heydər Əliyev və Azərbaycan mətbuatı” mövzusunda mühazirə oxuyub. O, Azərbaycan mətbuatının yaranması, ilk qəzetimiz “Əkinçi”, “Molla Nəsrəddin” və “Füyuzat” jurnalları, “Həyat” qəzeti, sovet dövründəki mətbuat orqanları və onların ədəbi dilimizin qorunmasındakı rolundan, müstəqillik dövrü mətbuatımızdan söz açıb.

Baş redaktor Azərbaycan Mətbuat Şurasının fəaliyyəti, “525-ci qəzet”, Kütləvi İnformasiya Vasitələrinə Dövlət Dəstəyi Fondu barədə tədbir iştirakçılarına ətraflı məlumat verib. O, ümummilli lider Heydər Əliyevin həm sovet dövründə, həm də müstəqillik illərində mətbuata qayğısından, 1998-ci ildə Azərbaycanda senzuranın ləğv olunmasından danışıb.

İkinci mühazirə Trabzon bələdiyyəsinin konfrans zalında yerli sakinlər qarşısında "Azərbaycan Cümhuriyyəti-100" mövzusunda təşkil olunub.

Ölkəmizdə 2018-ci ilin “Azərbaycan Xalq Cümhuriyyəti İli” elan olunduğunu xatırladan R.Məcid 1918-1920-ci illərdə Nuru Paşanın komandanlığı ilə türk ordusunun azərbaycanlılara köməyə gəldiyini bildirib və bu barədə maraqlı faktları diqqətə çatdırıb.

Sonda mühazirəçi iştirakçıların suallarını cavablandırıb.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM