Alternative content

19:35 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Onu qonşu rayonlarda da tanıyırlar
Onu qonşu rayonlarda da tanıyırlar
ANA SƏHİFƏ / Oxucu məktubları
12:04 15.04.2018

 

Xırmandalı Biləsuvar rayonunun böyük yaşayış məntəqələrindəndir. Əhalisinin sayı on min nəfərə çatır. Sakinlərin əsas məşğuliyyəti əkinçilik və maldarlıqdır.

Burada mal-qara ilə yanaşı, at saxlayan ailələr də var. Kənd sakini Elməddin Zeynalov da atlara yəhər, qoşqu, yüyən hazırlayır. Bu məqsədlə həyətində münasib yer düzəldib sifarişlər qəbul edir.

Onunla iş yerində görüşdük. Dedi ki, bu işlə məşğul olmağa başlayanda 20 yaşım vardı. İlk işim xoşuma gəlməsə də, hiss etdim ki, nəsə alınır. Odur ki, bu sənəti özümə peşə seçdim. Aylar, illər ötdükcə müştərilərimin sayı artmağa başladı. Artıq neçə illərdir ki, ailəmizin dolanışığını əsasən bu yolla təmin edirəm. 

Elməddinin iş yeri xoş təsir bağışlayır. Sifarişləri səliqə ilə, zövqlə yerinə yetirir. Hamı həmişə ondan razılıq edir. Onu da deyim ki, hətta qonşu rayonlardan da sifarişlər alır. Usta Elməddin təkcə yaşadığı kənddə deyil, rayonda da bu sənəti yaşadan yeganə adamdır.

Özü bu barədə belə dedi:

- Övladlarım başqa peşə seçsələr də, istəyirəm ki, bu sənəti öyrənib gələcək nəsillərə ötürsünlər. Axı  atdan minik vasitəsi kimi, həm də müxtəlif təsərrüfat işlərinin görülməsində istifadə olunur.

 

Mirzə CƏFƏROV,

Biləsuvar rayon sakini