15 Aprel 2018 12:04
452
Mədəniyyət
A- A+

“Aktyor əbədiyyətə qovuşanda” tamaşasının premyerası keçirildi

 

Azərbaycan Teatr Xadimləri İttifaqının Mustafa Mərdanov səhnəsində Şuşa Dövlət Musiqili Dram Teatrının “Aktyor əbədiyyətə qovuşanda” tamaşasının premyerası oldu.

Psixoloji dram janrında olan birhissəli tamaşa xorvat yazıçısı və dramaturqu Miro Qavranın əsəri əsasında hazırlanıb. Pyesi Azərbaycan dilinə Svetlana Həkimova tərcümə edib.

İki personajın rol aldığı səhnə əsərinin quruluşçu rejissoru respublikanın əməkdar artisti Nazir Rüstəmovdur. Səhnə əsərində Nazir Rüstəmov və Bahar Həmzəyeva-Abdullayeva çıxış edirdilər.

Premyeranın tamaşaçıları arasında tanınmış incəsənət xadimləri, tənqidçilər və media nümayənləri var idi. Tamaşaçıları salamlayan Azərbaycan Teatr Xadimləri İttifaqının yaradıcılıq üzrə sədr müavini, Azərbaycan Akademik Milli Dram Teatrının aktyoru, xalq artisti Hacı İsmayılov əvvəlcə Mustafa Mərdanov səhnəsi barədə məlumat verdi. O, qeyd etdi ki, Azərbaycan Teatr Xadimləri İttifaqının yerləşdiyi binanın tikiliməsində teatr səhnəmizin görkəmli nümayəndəsi Mustafa Mərdanovun və tanınmış rejissor Zəfər Nemətovun çox böyük rolu olub. 2014-cü il sentyabrın 29-da açılan Mustafa Mərdanov səhnəsində ilk təqdim olunan da onun “Mənim xatirələrim, mənim müasirlərim” əsərinin kompazisiyası əsasında hazırlanmıəş tamaşa olub. Daha sonra Elçin Hüseynbəylinin “Qaçaq qocalar”, Ejen İoneskonun “Stullar” və Rövşən Ağayevin “Sonluğun sonu” əsərləri əsasında səhnələşdirilmiş tamaşalar təqdim edilib. H.İsmayılov vurğuladı ki, “Aktyor əbədiyyətə qovuşanda” bu səhnədə nümayiş olunan sayca beşinci tamaşadır: “Bu gün Şuşa Dram Teatrı bizim qonağımızdır. Əsərin müəllifi - Miro Qavran istedadlı yazıçıdır. Şuşa Dram Teatrı səhnələşdirdiyi “Aktyor əbədiyyətə qovuşanda” isə onun ən maraqlı əsərlərindən biridir”.

H.İsmayılovun çıxışından sonra səhnə qaranlığa qərq oldu, lakin onun lal sükutu uzun sürmədi. Çəkic səsi ilə birlikdə səhnə yavaş-yavaş işıqlanmağa başladı. Tamaşanın iki qəhrəmanı - Tom (Nazir Rüstəmov) və Yeva (Bahar Həmzəyeva-Abdullayeva) səhnədə göründülər. Məlum oldu ki, Tom həyatı boyu bəlkə də bu anlar üçün yaşayıb. O, öz yazdığı əsəri tanınmış aktrisanın ifasında səhnəyə qoymaq istəyir. Hər iki qəhrəmanın dilində səslənən monoloq isə yalnız Yevanın deyil, bütün teatr aləminin, aktyorluq sənətini seçənlərin taleyi kimi səslənir: “Aktyor əbədiyyətə qovuşanda yalnız bir insan ömrü deyil, onun ətrafındakı bütün kölgələr yox olur. Heç vaxt oynamadığı, oynaya bilmədiyi qəhrəmanlar da ölür. Hətta onun tamaşaçıları özləri də bilmədən yox olurlar. Aktyor öləndə heç vaxt yanmayan projektorlar da sönür. Heç vaxt qoyulmayan tamaşalar da ölür. Aktyor əbədiyyətə qovuşanda onun oynadığı bütün rollar da ölür...”

Bir saat davam edən tamaşa ərzində səhnədə baş verən hadisələr, çox maraqlı, dərin psixoloji anlar tamaşaçını həyəcan içərisində saxlayır. Tamaşanın uğurlu musiqi tərtibatı - Maksim Mrvicanın ifasında Tonçi Huljiçin və Klod Debüssinin əsərləri də gərgin, psixoloji məqamların, qəhrəmanların daxili təlatümlərinin daha təsirli təqdim olunmasına kömək edir.

 

Zöhrə FƏRƏCOVA,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video