12 Aprel 2018 11:04
388
Səhiyyə
A- A+

Biləsuvarda 26 yaşayış məntəqəsindən 14-də əhalinin kütləvi tibbi müayinəsi yekunlaşıb

Biləsuvarın səhiyyə ocaqlarında əhalinin kütləvi tibbi müayinəsi uğurla davam edir.

AZƏRTAC-ın bölgə müxbiri xəbər verir ki, rayonda əhalinin profilaktik tibbi müayinəsinin mütəşəkkil keçməsi üçün bütün zəruri tədbirlər görülüb. Rayon mərkəzi xəstəxanasının cərrahiyyə, poliklinika, fizioterapiya, laboratoriya və digər şöbələrində sakinlərin müayinəsi aparılır.

Humanitar aksiyanın mütəşəkkil başa çatdırılması üçün rayon icra hakimiyyətində yaradılmış komissiya kampaniyanın gedişinə ciddi nəzarət edir, müayinələr tərtib olunan qrafikə uyğun aparılır. Aidiyyəti şəxslər, şəhər və kənd inzibati ərazi dairəsi üzrə nümayəndəliklərin rəhbərləri səhiyyə işçilərinə yaxından kömək göstərirlər.

Rayon mərkəzi xəstəxanasından bildiriblər ki, humanitar aksiya çərçivəsində əhalinin tibbi müayinəsi 3 xəstəxana, 20 həkim və tibb müəssisəsində aparılır. 100 nəfər həkim və orta tibb heyətindən ibarət 3 daimi, 1 səyyar həkim komissiyası yaradılıb. Biləsuvar şəhəri də daxil olmaqla, 26 yaşayış məntəqəsində 76 mindən çox əhalinin profilaktik tibbi müayinədən keçirilməsi nəzərdə tutulub. Artıq 14 yaşayış məntəqəsi və 52 kollektivdə müayinələr başa çatdırılıb.

Aksiya çərçivəsində indiyədək 38 min 984 nəfər rayon sakini tibbi müayinədən keçirilib. Müayinə zamanı xəstəlik aşkar olunan 3168 vətəndaş ambulator, 106 nəfər stasionar müalicəyə cəlb olunub. 32 nəfər üzərində cərrahiyyə əməliyyatı aparılıb, 30 vətəndaş isə ixtisaslaşdırılmış səhiyyə müəssisələrində müalicə olunmaq üçün Bakı şəhərinə göndərilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video