Alternative content

20:31 18 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV BMT Baş Assambleyasının 72-ci sessiyasının sədri ADA Universitetinin tələbələrinə mühazirə oxuyub
BMT Baş Assambleyasının 72-ci sessiyasının sədri ADA Universitetinin tələbələrinə mühazirə oxuyub
ANA SƏHİFƏ / Elm və texnika
08:04 05.04.2018

Ölkəmizdə səfərdə olan Birləşmiş Millətlər Təşkilatı (BMT) Baş Assambleyasının 72-ci sessiyasının sədri Miroslav Layçak aprelin 5-də ADA Universitetində tələbələrə “Çoxtərəfli əməkdaşlığın hazırkı durumu” mövzusunda mühazirə oxuyub.

AZƏRTAC xəbər verir ki, ADA Universitetinin rektoru Hafiz Paşayev qonağı rəhbərlik etdiyi ali təhsil ocağında görməkdən məmnunluğunu bildirib. Ölkəmizdə bütün istiqamətlərdə olduğu kimi, təhsil sahəsində də həyata keçirilən islahatlardan danışan rektor diqqətə çatdırıb ki, ADA Universiteti hazırda dünyanın nüfuzlu təhsil ocaqları ilə əməkdaşlıq edir.

M.Layçak mühazirəsində dünyada davam edən münaqişələrin ən çox sadə insanlara ziyan vurduğunu deyib. Yoxsulluq, iqlim dəyişikliyi, beynəlxalq terrorizmin çağırışları ilə bağlı fikirlərini bölüşən M.Layçak bu problemlərin insanların həyatına birbaşa təsir etdiyini vurğulayıb. O qeyd edib ki, sülhün təmin edilməsi və müharibələrin qarşısının alınması BMT-nin fəaliyyətinin əsas istiqamətlərindən biridir.

Azərbaycan ilə BMT arasındakı əməkdaşlığa toxunan qonaq bu ölkənin mədəniyyətlərarası və dinlərarası dialoqa, həmçinin beynəlxalq terrorizmlə mübarizəyə verdiyi dəstəyin dünyada yüksək qiymətləndirildiyini bildirib. Dünya ölkələri arasında Azərbaycanın nüfuzunun durmadan artdığını deyən M.Layçak diqqətə çatdırıb ki, bu ölkə artıq beynəlxalq mötəbər tədbirlərin ev sahibinə çevrilib.

Ermənistan-Azərbaycan münaqişəsinə toxunan M.Layçak vurğulayıb ki, ATƏT-in Minsk qrupu problemin həlli istiqamətində səylərini artırmalıdır.

Sonda tədbir iştirakçılarını maraqlandıran suallar cavablandırılıb.