04 Aprel 2018 05:04
384
Elm və texnika
A- A+

“Azərbaycan multikulturalizminin ədəbi-bədii qaynaqları” kitabı filoloji tədqiqat obyektinə çevrilib

Aprelin 4-də Azərbaycan Dillər Universitetində (ADU) “Azərbaycan multikulturalizminin ədəbi-bədii qaynaqları” mövzusunda “dəyirmi masa” təşkil olunub. Tədbir ADU-nun Azərbaycan ədəbiyyatı kafedrası və azərbaycanşünaslıq elmi-tədqiqat laboratoriyasının birgə təşkilatçılığı ilə keçirilib.

ADU-dan AZƏRTAC-a bildirilib ki, tədbirdə Azərbaycan ədəbiyyatı kafedrasının müdiri, akademik Muxtar İmanov multikulturalizmin cəmiyyətimizdə əsrlərdən bəri gələn həyat tərzi və dünyagörüşü olduğunu deyib. Diqqətə çatdırıb ki, ölkəmizdə multikultural həyat tərzi qədim tarixə malikdir. Bəşəri ideyaların təbliğ olunduğu klassik Azərbaycan ədəbiyyatında, eləcə də “Azərbaycan multikulturalizminin ədəbi-bədii qaynaqları” kitabında bu fikirlər öz əksini tapıb.

Azərbaycan Milli Elmlər Akademiyasının (AMEA) Dilçilik İnstitutunun direktoru, azərbaycanşünaslıq elmi-tədqiqat laboratoriyasının aparıcı elmi işçisi, akademik Möhsün Nağısoylu multikultural dəyərlərin “Kitabi-Dədə Qorqud” eposunda, Xaqani Şirvani, Mücirəddin Beyləqani, Nizami Gəncəvi və digər klassiklərin əsərlərində təbliğ olunduğunu vurğulayıb. O deyib: “Azərbaycan ədəbiyyatının bütün dövrlərə aid nümunələrində multikultural ideyalara rast gəlmək mümkündür. Bu örnəklər çoxşaxəli və çoxistiqamətlidir. Dahi Füzuli əsərlərində hər zaman dinlərə, dillərə qarşı xoş münasibət bəsləyib, İsa peyğəmbər, Musa peyğəmbərin adını böyük ehtiramla yad edib”.

Azərbaycan Dillər Universitetinin rektoru, akademik Kamal Abdulla bildirib ki, dünya ədəbiyyatına bələd olmaq xalqın öz həqiqi mənəvi dəyərlərini daha yaxından dərk etməsinə imkan yaradır. O deyib: “Azərbaycan multikulturalizminin qaynaqları seriyasının ilk nəşri olan “Azərbaycan multikulturalizminin ədəbi-bədii qaynaqları” kitabının ərsəyə gəlməsində Möhsün Nağısoylu, Muxtar İmanov, Fərid Ələkbərli və digər alimlərin böyük əməyi var. Bu nəşr filoloji tədqiqat obyektinə çevrilib. Hesab edirəm ki, Azərbaycan xalqının prinsip etibarilə güzgüdəki kimi əksini göstərən “Azərbaycan multikulturalizminin ədəbi-bədii qaynaqları” kitabı ölkəmizi ən yaxşı tərəfdən təcəssüm etdirən hadisədir”.

Tədbirdə, həmçinin ADU-nun Azərbaycan ədəbiyyatı kafedrasının dosenti Nurlanə Mustafayeva “Azərbaycan multikulturalizminin ədəbi-bədii qaynaqları” mövzusunda mühazirə oxuyub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video