02 Aprel 2018 08:04
413
Səhiyyə
A- A+

Xocalı sakinləri Gəncədən gəlmiş həkimlər tərəfindən müayinədən keçirilib

Xocalı Rayon İcra Hakimiyyətinin və Gəncə şəhər “Şans” Tibb Mərkəzinin birgə təşkilatçılığı ilə Goranboy rayonunun Aşağı Ağcakənd qəsəbəsində məskunlaşmış Xocalı sakinləri üçün pulsuz kütləvi tibbi müayinə keçirilib.

AZƏRTAC-ın bölgə müxbiri xəbər verir ki, tibbi müayinələrdə Aşağı Ağcakənd qəsəbəsində və qəsəbəətrafı məntəqələrdə yaşayan 240-a yaxın insan tibbi baxışdan keçirilməklə yanaşı, aztəminatlı ailələrdən olan 5 oğlan uşağına sünnət edilib.

Sakinlərin tibbi konsiliumunda “Şans” Tibb Mərkəzinin baş həkimi, pediatr-cərrah Nofəl Qasımov, terapevt-qastroenteroloq Qoşqar Məhərrəmov, kardioloq Fərhad Fərhadov, ultrasonoq Cəlaləddin İmanov, nevropotoloq Muradxan Əmirov, nefroloq Mahir Mustafayev, endokrinoloq, ginekoloq, oftalmoloq həkimlər, həmçinin Xocalı Rayon Mərkəzi Xəstəxanasının əməkdaşları yaxından iştirak ediblər.

Aksiyadan sonra özəl tibb mərkəzinin həkim heyəti ilə görüşən Xocalı Rayon İcra Hakimiyyətinin başçısı Şahmar Usubov bu təqdirəlayiq xeyriyyə işinin təşkili üçün mərkəzin bütün əməkdaşlarına təşəkkürünü bildirib və gələcəkdə bu cür aksiyaların davamlı olmasını arzulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video