02 Aprel 2018 01:04
262
Mədəniyyət
A- A+

Bakıda pianoçuların V Respublika elmi ifaçılıq müsabiqəsinə start verilib

Aprelin 2-də Üzeyir Hacıbəyli adına Bakı Musiqi Akademiyasında (BMA) görkəmli bəstəkar, Xalq Artisti Qara Qarayevin 100 illiyinə həsr olunmuş pianoçuların V Respublika elmi ifaçılıq müsabiqəsinə başlanılıb.

AZƏRTAC xəbər verir ki, müsabiqəyə respublikanın şəhər və rayonlarından olan bütün yaş qrupu üzrə 144 iştirakçı qatılıb.

Tədbirdə BMA-nın rektoru, Xalq Artisti Fərhad Bədəlbəyli çıxış edərək müsabiqənin əhəmiyyətindən danışıb. Qeyd edib ki, dahi bəstəkarın 100 illiyinə həsr edilmiş belə bir müsabiqənin təşkili Azərbaycan musiqi sənətinin inkişafına özünəməxsus töhfədir. Böyük bəstəkar Q.Qarayevin milli musiqimizin inkişafındakı xidmətlərindən danışan rektor onun əsərlərinin hər zaman musiqi elmi üçün xəzinə olduğuna diqqət çəkib.

Müsabiqə haqqında məlumat verən natiq iştirakçılara uğurlar arzulayıb.

Akademiyanın rektoru, professor Fərhad Bədəlbəylinin rəhbərlik etdiyi müsabiqə aprelin 9-dək davam edəcək. Müsabiqənin münsiflər heyətində BMA-nın professorları ilə yanaşı, Qara Qarayevin qızı, İstanbul Dövlət Texniki Universitetinin Türk Klassik Musiqisi Dövlət Konservatoriyasının şöbə müdiri Züleyxa Qarayeva-Bağırova da təmsil olunur.

Qeyd edək ki, bu, BMA-nın eksperimental laboratoriyası olan məktəb-studiyanın bazasında professor Tərlan Seyidov tərəfindən işlənilmiş proqram əsasında yeni elmi-ifaçılıq müsabiqəsidir. Müsabiqənin məqsədi təcrübənin ifaçılıq nəzəriyyəsi ilə əlaqələndirilməsi və geniş profilli musiqiçinin kompleksli inkişafının təkmilləşdirilməsidir.

Müsabiqənin şərtinə əsasən hər bir iştirakçı ifa etdiyi proqramın məruzəsi ilə çıxış edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video