Alternative content

14:29 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Yorğunluğa səbəb olan hallar
Yorğunluğa səbəb olan hallar
ANA SƏHİFƏ / Səhiyyə
03:03 30.03.2018

 

Fəal və hərəkətli olmaq sağlam həyat tərzinin ən vacib şərtlərindən biridir. Gün ərzində daha çox hərəkət edənlərin oturaq həyat keçirənlərə nisbətən daha az yorulduğu sübut edilib.

AZƏRTAC xəbər verir ki, ən azı həftədə bir dəfə 20 dəqiqə idmanla məşğul olmaq əzələlərin gücünü və dözümlülüyün artırır, ürəyin işini stimullaşdırır, toxumalara oksigenin daşınmasını asanlaşdırır. Kifayət qədər maye içilmədikdə də orqanizmdə yorğunluq hissi əmələ gəlir. Az su içənlərin qanı laxtalanmaya daha meyillidir. Qanla laxtalanma səviyyəsi yüksək olanlar özlərini daim yorğun hiss edirlər.

Orqanizmdə dəmir çatışmazlığı halsızlıq, zəiflik və yorğunluq hissi yaradır. Dəmir çatışmazlığı olan xəstələrin orqan və toxumaları yetərincə oksigenlə qidalanmır. Səhərlər normal yeməyənlər, şirniyyat və ayaqüstü qidalara üstünlük verənlər də balanslaşdırılmamış və keyfiyyətli qidalanmadıqlarına görə gün boyu yorğun olurlar. Fasiləsiz iş rejimi, istirahətə vaxt ayırmamaq, hətta məzuniyyət vaxtında da işləmək yorğunluq yarada bilər.

Yatmazdan əvvəl smartfon telefona və ya kompüterə baxmaq da yorğunluğa səbəb olur. Gün ərzində həddindən çox kofe içmək yuxunu qaçırır, yuxu pozğunluğu isə xroniki yorğunluğa aparıb çıxarır.