Alternative content

19:07 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV BDU-da “Azərbaycan jurnalistikasında tarixi ənənə və müasir meyillər” mövzusunda müzakirələr aparılıb
BDU-da “Azərbaycan jurnalistikasında tarixi ənənə və müasir meyillər” mövzusunda müzakirələr aparılıb
ANA SƏHİFƏ / Elm və texnika
04:03 29.03.2018

Bakı Dövlət Universitetinin (BDU) jurnalistika fakültəsində “Azərbaycan jurnalistikasında tarixi ənənə və müasir meyillər” mövzusunda elmi-praktik konfrans keçirilib.

BDU-dan AZƏRTAC-a bildiriblər ki, tədbirdə fakültə dekanının müavini, dosent Sevinc Əliyeva konfransın Prezident İlham Əliyevin 2018-ci ilin ölkəmizdə “Azərbaycan Xalq Cümhuriyyəti İli” elan edilməsi haqqında Sərəncamına uyğun olaraq keçirildiyini bildirib.

Dekan, dosent Vüqar Zifəroğlu Azərbaycan Xalq Cümhuriyyətinin tariximizdəki müstəsna rolundan danışıb.

Professor Şirməmməd Hüseynov Cümhuriyyətin yarandığı siyasi şəraitdən, onun fəaliyyəti dövründə həyata keçirilən islahatlardan bəhs edib. Alim böyük sənətkar Üzeyir bəy Hacıbəylinin “Bu vətən də bizimdir, bu millət də bizimdir, bu dövlət də bizimdir” məşhur sözlərini xatırladıb.

Tədbirdə “Azərbaycan Xalq Cümhuriyyəti dövründə elm və təhsil”, “Cümhuriyyət qurucuları”, “Azərbaycan Xalq Cümhuriyyəti dövründə mübahisəli tarixi ərazilər” mövzularında məruzələr dinlənilib.

Azərbaycan Mətbuat Şurasının sədri, Milli Məclisin deputatı Əflatun Amaşov Azərbaycan Xalq Cümhuriyyətinin yaradılmasının əhəmiyyətini vurğulayıb.