19 Mart 2018 10:03
187
Mədəniyyət
A- A+

Fəxriyyə Xələfova Daşkənddə mətbuat konfransı keçirib

Özbəkistana gələn tanınmış Azərbaycan modelyeri, Əməkdar İncəsənət Xadimi, “Fakhriya Khalafova” moda evinin təsisçisi Fəxriyyə Xələfova Daşkənddə jurnalistlər üçün mətbuat konfransı keçirib.

Daşkənddə “Dünyanı gözəllik xilas edəcək” devizi altında keçiriləcək “Miss Union Fashion-2018” üçüncü beynəlxalq müsabiqəsində iştirak etmək üçün Özbəkistana gəldiyini bildirən Fəxriyyə Xələfova bu tədbirə özbək ipəyindən istifadə etməklə hazırladığı 12 milli qadın geyimi ilə qatılacağını deyib.

Modeyler-rəssam Bakıda keçirilən “Miss Union Fashion–2016” müsabiqəsi haqqında da söhbət açıb.

F.Xələfova Daşkənddəki Özbəkistan Tətbiqi İncəsənət Muzeyində olduğunu, muzeyə özbək ipəyindən istifadə edilməklə hazırladığı milli qadın geyimi bağışladığını bildirib. O deyib ki, muzeydə “Gulnara Fashion” dəb evinin rəhbəri Gülnara Muxammedova ilə əməkdaşlıq haqqında memorandum imzalanıb.

Fəxriyyə Xələfova qeyd edib ki, Özbəkistan Tarixi Muzeyində də olub, muzeyə Azərbaycan milli qadın geyimi bağışlayıb və bu, çox maraqla qarşılanıb. “Muzeyin direktoru, professor Cannat İsmayılova ilə belə razılığa gəldik ki, Azərbaycan və özbək milli qadın geyimlərindən ibarət kataloq hazırlayaq. Nəşrdə bu sahədə istifadə edilən parçalar, Azərbaycanın və Özbəkistanın regionlarına aid geyimlər, aksessuarlar, ornamentlər əksini tapacaq. Elə bilirəm ki, bu kataloq həm Azərbaycan, həm də Özbəkistanda maraqla qarşılanacaq”, - deyə F.Xələfova əlavə edib.

Sonra jurnalistlərin sualları cavablandırılıb.

Salonda özbək milli geyimləri, suvenirləri və müxtəlif əl işləri də nümayiş etdirilib. Müxtəlif ölkələri təmsil edən qızlar uğurları münasibətilə Fəxriyyə Xələfovanı təbrik ediblər.

Sonda qarşılıqlı olaraq suvenirlər bağışlanıb.

 

AZƏRTAC

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video