Alternative content

08:18 19 Sentyabr 2018
ONLINE XƏBƏR LENTİ
19.09.2018
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV oxucuların suallarına cavab verir
oxucuların suallarına cavab verir
ANA SƏHİFƏ / Hüquq məsləhəti
12:08 19.08.2012

 

Yaşadığım evi xüsusi mülkiyyət kimi qeydiyyatdan keçirmişəm. İş adamları qonşuluqdakı bütün evləri bina tikmək üçün alıb. Özlərini qane edən şərtlər irəli sürərək, mənim də evdən çıxmağımı tələb edirlər. Aldıqları evləri sökərkən evim qəzalı vəziyyətə düşüb. Bilmək istəyirəm, mövcud qanunvericilik çərçivəsində öz mülkiyyətimi necə qorumalıyam?

 

Məxluqə Məhərrəmova,

Bakı şəhəri

 

- Azərbaycan Respublikası Konstitusiyasının 13-cü maddəsinin I hissəsinə əsasən, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Konstitusiyamızın 29-cu maddəsinin I hissəsinə görə, hər kəsin mülkiyyət hüququ vardır. Həmin maddənin II hissəsi ilə mülkiyyətin heç bir növünə üstünlük verilmir. Mülkiyyət hüququ, o cümlədən xüsusi mülkiyyət hüququ qanunla qorunur. Həmin maddənin IV hissəsinə əsasən, heç kəs məhkəmənin qərarı olmadan mülkiyyətindən məhrum edilə bilməz.

Azərbaycan Respublikası Mülki Məcəlləsinin 390.1-ci maddəsinə uyğun olaraq, fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər.

Həmin məcəllənin 390.3-cü maddəsində göstərilir ki, müqavilə bağlamaq vəzifəsinin bu məcəllədə və ya könüllü götürülmüş öhdəlikdə nəzərdə tutulduğu hallar istisna olmaqla, müqavilə bağlamağa məcbur etməyə yol verilmir.

Göründüyü kimi, mülkiyyətinizdə olan evə dair alğı-satqı müqaviləsi bağlamaq sizin hüququnuzdur, bu mənada heç kim sizi müqavilə bağlamağa məcbur edə bilməz (Azərbaycan Respublikası Mülki Məcəlləsi, 390.1 və 390.3-cü maddələr).

Qonşuluqda yerləşən evlərin sökülməsi nəticəsində evinizə zərər dəymişdirsə, onda siz mülkiyyətinizə qəsd edən bu cür hərəkətlərə son qoyulması və vurulmuş zərərin əvəzinin ödənilməsi barədə iddia ilə məhkəməyə müraciət edə bilərsiniz.

 

Subay şəxs olaraq  övladlığa uşaq  götürmək hüququm varmı?

 

Nuray Şahinqızı,

Xırdalan şəhəri

 

- Şəxsin nikahda (evli) olmaması onu övladlığa götürmək hüququndan məhrum etmir, başqa sözlə, evli olmayan şəxs də övladlığa götürən ola bilər. Bu halda övladlığa götürən şəxslə övladlığa götürülən uşağın yaş fərqi 16-dan az olmamalıdır. Lakin məhkəmə tərəfindən üzrlü hesab edilən səbəb olduqda, yaş fərqi qısaldıla bilər (Azərbaycan Respublikası Ailə Məcəlləsi, 121.1-ci maddə).

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi