Alternative content

03:46 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Şəmkirdə 57 mindən çox sakin kütləvi tibbi müayinədən yararlanıb
Şəmkirdə 57 mindən çox sakin kütləvi tibbi müayinədən yararlanıb
ANA SƏHİFƏ / Səhiyyə
12:03 16.03.2018

 

Prezident İlham Əliyevin tapşırığına uyğun olaraq, ölkəmizin hər yerində olduğu kimi, Şəmkir rayonunda da əhalinin tibbi müayinədən keçirilməsi uğurla davam edir.

Şəmkir Rayon Mərkəzi Xəstəxanasından AZƏRTAC-ın bölgə müxbirinə bildiriblər ki, rayonda əhalinin kütləvi pulsuz tibbi müayinəsi üçün hər cür şərait yaradılıb. Belə ki, sakinlər yaradılan xüsusi həkim briqadaları tərəfindən müayinə olunur, ehtiyac olduqda flüoroqrafiya, kardioqrama, ultrasəs, rentgen, laborator və sair müayinələrdən keçirilir. Fevralın 12-dən indiyədək 57 min 329 nəfər tibbi müayinədən yararlanıb. Xəstəlik aşkar edilən 3 min 442 nəfər ambulator, 306 nəfər stasionar müalicəyə cəlb edilib, 31 nəfər üzərində cərrahiyə əməliyyatı aparılıb, 68 xəstə isə müalicə olunmaq üçün Bakı şəhərinə göndərilib.

Tibbi müayinədən keçən vətəndaşlar əhalinin sağlamlığının qorunması istiqamətində görülən bu xeyirxah aksiyaya görə dövlətimizin başçısına minnətdarlıq edirlər.