Fernando Luqo: Paraqvay Azərbaycanla əlaqələri dərinləşdirmək niyyətindədir
Martın 15-də Milli Məclisin sədri Oqtay Əsədov ölkəmizdə səfərdə olan Paraqvay Respublikası Senatının sədri Fernando Luqonun başçılıq etdiyi nümayəndə heyəti ilə görüşüb.
AZƏRTAC xəbər verir ki, sədr bu cür görüşlərin parlamentlərarası əməkdaşlığımızın inkişaf perspektivlərinin araşdırılması baxımından əhəmiyyətini vurğulayıb. O, VI Qlobal Bakı Forumunda iştirak edən qonağa uğurlar arzulayıb. Qeyd edilib ki, səfər Azərbaycanın mədəniyyəti, tarixi ilə daha yaxından tanış olmaq üçün yaxşı imkan yaradır.
Sədr deyib: “Sevindirici haldır ki, son illər münasibətlərimizdə dinamizm müşahidə olunmaqdadır”. Qonağın şəxsində Paraqvay dövlətinin Azərbaycan üçün mühüm əhəmiyyət kəsb edən suverenlik, sərhədlərin toxunulmazlığı, ərazi bütövlüyü, Xocalı soyqırımı kimi məsələlərdə ölkəmizin mövqeyini dəstəkləməsini və bizimlə həmrəy olmasını yüksək dəyərləndirən spiker ona bir daha təşəkkür edib. Sədr deyib ki, bu məsələlərlə bağlı qətiyyətli mövqe sözügedən problemin çözülməsinə böyük töhfə verə bilər.
Oqtay Əsədov iqtisadi sahədə əlaqələrimizin mövcud potensiala cavab vermədiyinə diqqət çəkərək, bu sahədə aktivliyin artırılmasını günün tələbi hesab edib. Bildirilib ki, parlamentlər səviyyəsində münasibətlərin intensivləşdirilməsi hər iki tərəf üçün əhəmiyyətlidir. “Biz Paraqvay Senatında və Deputatlar Palatasında Azərbaycanla parlamentlərarası dostluq qrupunun yaradılmasını alqışlayırıq. Yaxın zamanda Milli Məclisdə də müvafiq qrupun yaradılması nəzərdə tutulub”, - deyə o qeyd edib.
Sədr beynəlxalq təşkilatlarda deputatlarımızın iştirakını, onları düşündürən məsələlər ətrafında bu qurumlar çərçivəsində fikir mübadiləsi aparılmasını təqdir edib. Vurğulanıb ki, parlament nümayəndə heyətlərinin qarşılıqlı səfərləri informasiya və təcrübə mübadiləsi baxımından çox önəmlidir.
Paraqvay Respublikası Senatının sədri Fernando Luqo ölkəmizə səfərindən və burada gördüklərindən məmnun qaldığını söyləyib. Bildirilib ki, onun təmsil etdiyi ölkə Azərbaycanla həyatın müxtəlif sahələrində əlaqələri dərinləşdirmək niyyətindədir. Bu baxımdan parlamentlər səviyyəsində münasibətlərin keyfiyyətcə yeni səviyyəyə qaldırılması ümumi məqsədlərə xidmət edir.
Söhbət zamanı tərəfləri maraqlandıran məsələlər ətrafında fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!