Alternative content

12:05 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Qobustan rayonunda 350-dən çox uşaq ödənişsiz səyyar tibbi müayinə aksiyasından yararlanıb
Qobustan rayonunda 350-dən çox uşaq ödənişsiz səyyar tibbi müayinə aksiyasından yararlanıb
ANA SƏHİFƏ / Səhiyyə
09:03 14.03.2018

Baharın gəlişi və Novruz bayramı münasibətilə Azərbaycan Uşaq Fondu, “Sağlam Ailə Tibb Mərkəzi” və PROAKTİV şirkətinin birgə təşkilatçılığı ilə Qobustan rayonunda “Novruz sevinci” adlı ödənişsiz səyyar tibbi müayinə aksiyası keçirilib.

AZƏRTAC-ın bölgə müxbiri xəbər verir ki, aksiyada tibbi xidmətdən keçmək istəyən 350-dən çox uşaq “Sağlam Ailə Tibb Mərkəzi”nin təqdim etdiyi terapevt, dermatoloq, pediatr, oftalmoloq, USM, EKQ və qanda şəkərin təyini müayinələrindən faydalanıblar.

Səyyar tibbi müayinənin əsas məqsədlərindən danışan PROAKTİV şirkətinin direktoru Şahanə Sarı bildirib ki, aksiyada başlıca məqsəd əhali arasında profilaktik müayinə mədəniyyətini, sağlam həyat tərzini təbliğ etmək, habelə dövlət siyasətinin, xüsusən Heydər Əliyev Fondunun xeyirxah missiyasının davamı olaraq aztəminatlı və ehtiyacı olan vətəndaşlar üçün pulsuz müayinələrin həyata keçirilməsini təşkil etmək, əhalinin bayram sevincinə sevinc qatmaqdır.

Azərbaycan Uşaq Fondunun sədri Aqil Məhərrəmov rayonda keçirilən xeyirxah aksiyada iştirak edib.