Alternative content

18:01 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV İsmayıllı: kütləvi tibbi müayinədən 19 minə yaxın sakin yararlanıb
İsmayıllı: kütləvi tibbi müayinədən 19 minə yaxın sakin yararlanıb
ANA SƏHİFƏ / Səhiyyə
09:03 14.03.2018

 

İsmayıllı rayonunda əhalinin kütləvi pulsuz tibbi müayinəsi davam edir və artıq 18 min 778 nəfər bu humanist aksiyadan yararlanıb.

Rayon mərkəzi xəstəxanasından AZƏRTAC-ın bölgə müxbirinə bildirilib ki, əhalinin kütləvi pulsuz tibbi müayinəsi mərkəzi xəstəxana, poliklinika şöbəsi, uşaq poliklinikası, Lahıc qəsəbə və İvanovka kənd xəstəxanaları daxil olmaqla, 16 yerdə aparılır. Bu günədək müayinə olunanlardan 348 nəfər ambulator, 77 nəfər stasionar müalicəyə cəlb edilib, 19 nəfərin üzərində cərrahiyyə əməliyyatı həyata keçirilib. 35 nəfər Bakı şəhərinə - ixtisaslaşdırılmış müalicə müəssisələrinə göndərilib.

Aksiyanın mütəşəkkil başa çatması üçün mütəxəssislərdən və məsul şəxslərdən təşkil olunan komissiya və işçi qrupları hər gün yerlərdə olur, kampaniyanın gedişinə nəzarət edir, meydana çıxan problemlərin həlli üçün operativ tədbirlər görürlər.