Alternative content

19:05 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Moskvada “Azərbaycanlılar” monoqrafiyası nəşr edilib
Moskvada “Azərbaycanlılar” monoqrafiyası nəşr edilib
ANA SƏHİFƏ / Elm və texnika
08:03 09.03.2018

Moskvanın “Nauka” nəşriyyatında “Xalqlar və mədəniyyətlər” silsiləsindən “Azərbaycanlılar” monoqrafiyası çapdan çıxıb.

AZƏRTAC xəbər verir ki, Rusiya Elmlər Akademiyası Etnologiya və Antropologiya İnstitutunun və Azərbaycan alimlərinin birgə əməyinin məhsulu olan monoqrafiyanın məsul redaktorları Əliağa Məmmədli və Lyubov Solovyovadır.

Monoqrafiyaya giriş sözündə qeyd olunur ki, nəşr Qafqazın qədim mədəniyyətə malik xalqlarından biri olan azərbaycanlılara həsr edilib. Kitabda Azərbaycan xalqının tarixi, mədəniyyəti, adət-ənənələri, azərbaycanlıların millət kimi formalaşması prosesi, Azərbaycan diasporu barədə məlumat verilir. Nəşrdə Azərbaycanın Rusiyadakı diasporuna xüsusi fəsil ayrılıb.

Monoqrafiya 1,4 min tirajla buraxılıb və hazırda Moskvanın “Akademkniqa” kitab mağazalarında satışa çıxarılıb. “Azərbaycanlılar” kitabını, həmçinin “Nauka” nəşriyyatının saytında əldə etmək olar.