05 Mart 2018 08:03
279
Təhsil
A- A+

Bu gün Azərbaycan qadını ənənələri, intellekti və sosial fəallığı özündə cəmləşdirir

Martın 5-də Bakı Ali Neft Məktəbində (BANM) 8 Mart - Beynəlxalq Qadınlar Gününə həsr olunan tədbir keçirilib.

BANM-dən AZƏRTAC-a bildirilib ki, tədbirdə rektor Elmar Qasımov bu ali təhsil müəssisəsində fəaliyyət göstərən xanım əməkdaşları və tələbələri qarşıdan gələn 8 Mart - Beynəlxalq Qadınlar Günü münasibətilə təbrik edib. O, Prezident İlham Əliyevin ölkəmizdə qadın hərəkatına böyük diqqət göstərdiyini və daim xanımların fəaliyyətinə önəm verdiyini bildirib. Cəmiyyətimizin inkişafında qadınların əvəzsiz rolundan danışan rektor bu gün BANM-in kollektivinin 60 faizinin xanımlardan ibarət olduğunu söyləyib.

BANM-də fəaliyyət göstərən xanımları 8 Mart – Beynəlxalq Qadınlar Günü münasibətilə təbrik edən Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib ki, ölkəmizdə ildən-ilə neft və kimya sənayesi üzrə qadın mütəxəssislər, alimlər və mühəndislərin sayı artmaqdadır. Onların arasında kifayət qədər rəhbər vəzifələrdə çalışan qadınlarımız var. Əhalinin yarısını təşkil edən qadınlarımızın öz potensialını reallaşdırması üçün Prezident İlham Əliyev tərəfindən geniş imkanlar yaradılıb. Həqiqətən, bu gün Azərbaycan qadını ənənələri, intellekti və sosial fəallığı özündə cəmləşdirir.

Sonra H.Hüseynova BANM-in altı əməkdaşını uzun illər yüksək əmək göstəriciləri və peşəkar əmək fəaliyyətinə görə komitənin fəxri fərmanı ilə təltif edib.

Daha sonra E.Qasımov BANM-in fəaliyyətində uzun illər öz töhfəsini verən yeddi xanım əməkdaşı mükafatlandırıb. Eyni zamanda, ali məktəbin bütün xanım işçilərinə və tələbələrinə hədiyyələr təqdim olunub.

Tədbir konsert proqramı ilə davam edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video