Alternative content

11:51 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ahıl insanlar evlərində pulsuz tibbi müayinədən keçirilir
Ahıl insanlar evlərində pulsuz tibbi müayinədən keçirilir
ANA SƏHİFƏ / Səhiyyə
05:03 05.03.2018

Prezident İlham Əliyevin təşəbbüsü ilə ölkəmizdə həyata keçirilən əhalinin pulsuz kütləvi tibbi müayinəsi aksiyası Kürdəmir rayonunda, o cümlədən bölgənin 10 kənd yaşayış məntəqəsinə xidmət göstərən Karrar kənd xəstəxanasında da müvəffəqiyyətlə davam etdirilir.

AZƏRTAC-ın bölgə müxbiri xəbər verir ki, Ərşəli kəndində tibbi müayinələr başa çatıb. Hazırda Karrar və Garısbəyli kəndlərində humanist aksiya davam etdirilir. İndiyədək 1503 nəfər müayinədən keçib. Onlardan 20 nəfər stasionar, 82 nəfər isə ambulator müalicəyə cəlb olunub.

Yaradılmış həkim briqadaları evlərə də baş çəkir, ahıl və xəstə insanları müayinədən keçirirlər. Karrar kəndinin 81 yaşlı sakini Nizami Cəfərov və həyat yoldaşı 82 yaşlı Almara Cəfərova göstərilən xidmətdən razılıqlarını bildiriblər. Nizami Cəfərov AZƏRTAC-ın müxbirinə müsahibəsində deyib: “Bu gün həkimin, tibb bacısının evimizə gəlməsi əvvəlcə məni təəccübləndirdi. Axı, onları çağırmamışdıq. Yoldaşımla məni müayinə etdikdən sonra qan nümunəsi götürdülər. Həkim Məsum Əliyev Prezidentimizin təşəbbüsü ilə keçirilən kütləvi pulsuz tibbi müayinə barədə məlumat verdi. Allah Prezidentimizə, bu aksiyanı təşkil edənlərə cansağlığı versin ki, bizim sağlamlığımızın keşiyində dayanırlar”.