04 Mart 2018 12:03
890
Oxucu məktubları
A- A+

Biz qayıdacağıq, tikilənlər qalacaq

 

Ordan-burdan köçüb dədə-baba torpaqlarımızda məskən salan ermənilər xeyirxahlığımızın müqabilində bizə minnətdar olmaq əvəzinə zaman-zaman ən ağır cinayətlərə əl ataraq üstəlik keçən əsrin axırlarında torpaqlarımızın bir qismini işğal ediblər.

Bu yolda onlar günahsız insanları, körpə uşaqları, ağbirçək anaları, nurani babaları öldürməkdən belə çəkinmədilər. Bəşər tarixinin ən dəhşətli faciələrindən olan Xocalı soyqırımı 26 il əvvəl onların iç üzünü bir daha açıb göstərdi.

Ermənistanın işğalçılıq siyasəti nəticəsində biz də didərgin düşdük. Laçın işğala məruz qalanda Ağcabədi rayonunun Taxtakörpü ərazisinə pənah gətirdik. Məskən saldığımız ərazi kəndimizin adı ilə Katos obası adlandırıldı. İlk vaxtlar olmazın əzab-əziyyət çəksək də, ağır məhrumiyyətlərlə qarşılaşsaq da, xalqımızın ümummilli lideri Heydər Əliyevin Azərbaycanı məharətlə idarə etməsi, ordu quruculuğunda gördüyü misilsiz işlər bizə yaşamaq həvəsi verdi, ümidlərimizi artırdı. Heydər Əliyevin siyasi kursu bu gün də davam edir və biz dövlət qayğısını daim hiss edirik.

Mən məktəb direktoruyam. Obamız elə də böyük deyil. Şagirdlərimizin sayı da həmçinin. Bu günlərdə obamızda yeni məktəb tikintisinə başlanılıb. Məktəbimizin şagirdləri tezliklə geniş, işıqlı və rahat siniflərlə təmin olunacaqlar. Biz müəllimlər də çalışırıq ki, vətənimizin sabahı üçün yüksək intellektual səviyyəyə malik vətənpərvər yeni nəsil yetişdirək. Odur ki, hərbi vətənpərvərlik tərbiyəsi fəaliyyətimizin əsasını təşkil edir. Doğma yurd yerlərinə dönəcəyimiz günü də səbirsizliklə gözləyirik. İnanırıq ki, biz ən yaxın zamanda həsrət qaldığımız dağlara qovuşacaq, üçrəngli bayrağımız yenidən Laçında, Şuşada, Ağdamda... dalğalanacaqdır. Burada tikilənlər isə biz qayıdandan sonra da qalacaq.

 

Vaqif HÜSEYNOV,

Laçın rayon Katos kənd ümumi orta məktəbinin direktoru

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video