04 Mart 2018 12:03
949
Oxucu məktubları
A- A+

Bütün məktəb sevindi

 

Rayonumuzda istedadlı uşaqlardan söz düşəndə adı çəkilənlərdən biri İradə Bayramovadır. O, Qusar rayon 2 saylı tam orta məktəbin 7-ci sinfində oxuyur.

İradə Təhsil Nazirliyinin elektron resurslarının, internet texnologiyalarının tədris prosesinə tətbiqini fəallaşdırmaq, internetdən istifadənin yeni üsullarını qavramaq və informasiya texnologiyalarını səmərəli öyrənmək məqsədilə bu yaxınlarda keçirdiyi “Elektron təhsil” müsabiqəsindən qalib qayıdıb. Onun bu qələbəsi məktəb kollektivini sevindirib. Heç də asan olmayan həmin müsabiqədə bütün bölgələrdən şagird və müəllimlər iştirak edirdi. Üç istiqamət və 6 nominasiya üzrə müsabiqənin yekununda 23 qalib və 24 fərqlənən iş müəyyən edilib. Qalib adını qazananlar sırasında, qeyd etdiyimiz kimi, İradə Bayramova da olub. Bu uğuruna görə ona diplom, noutbuk, planşet və digər mükafatlar verilib.

Bu, “AzEduNeT”, “Ultra”, “Təhsildə innovativ texnologiyalar”, “Edumedia Azərbaycan”  və “Nar” operatoru tərəfindən dəstəklənən müsabiqənin qalibi olan İradə Bayramovanın ilk uğuru deyil. Əvvəlki illərdə keçirilən bir neçə olimpiadada da yüksək yer tutub. Müsabiqədən qayıtdıqdan sonra İradə rayon məktəblərində görüşlər keçirib, əldə etdiyi uğur sevincini yaşıdları ilə bölüşüb.

 

V.SEVZİXANOV,

Qusar

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video