Alternative content

16:37 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV ABŞ-ın Azərbaycandakı səfiri Zəngilan rayon 4 nömrəli tam orta məktəbdə olub
ABŞ-ın Azərbaycandakı səfiri Zəngilan rayon 4 nömrəli tam orta məktəbdə olub
ANA SƏHİFƏ / Təhsil
05:02 23.02.2018

ABŞ-ın Azərbaycandakı səfiri Robert Sekuta xanımı Enn Sekuta ilə birlikdə Bakının Binəqədi rayonunda yerləşən Zəngilan rayon 4 nömrəli tam orta məktəbdə olub.

AZƏRTAC xəbər verir ki, səfir məktəbdə “Bilik qüvvətdir!” adlı məktəbdənkənar ingilis dili tədris proqramına başlanılması ilə bağlı tədbirə qatılıb. Səfir və xanımı şagirdlərlə ingilis dili danışıq məşğələsində iştirak edib.

R.Sekuta bildirib ki, bu proqramın məqsədi Azərbaycan vətəndaşlarının ingilis dilini öyrənməsinə və dünyada rahat ünsiyyət qurmasına kömək etməkdir. Proqram şagirdləri ingilis dili bilikləri ilə təmin edəcək, yeni təcrübə əldə etməyə və qlobal iqtisadiyyatda daha güclü iştiraka qapılar açacaq. Diplomat deyib ki, ABŞ səfirliyi məcburi köçkün gənclərin cəmiyyətə faydalı vətəndaş olmaları üçün tələb edilən təhsil bazası ilə təmin olunmalarını dəstəkləyir.