Alternative content

07:59 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Neftçalada 64 min nəfərdən çox rayon sakini tibbi müayinədən keçiriləcək
Neftçalada 64 min nəfərdən çox rayon sakini tibbi müayinədən keçiriləcək
ANA SƏHİFƏ / Səhiyyə
12:02 19.02.2018

Ölkəmizin hər yerində olduğu kimi, Neftçalada da əhalinin kütləvi dispanserizasiyasına başlanılıb.

AZƏRTAC-ın bölgə müxbiri xəbər verir ki, rayon mərkəzi xəstəxanasında insanların tibbi müayinəsi üçün bütün imkanlar yaradılıb. Aksiya çərçivəsində üç peşəkar həkim briqadası fəaliyyət göstərəcək.

Humanitar aksiya rayon üzrə 64 mindən çox sakini əhatə edəcək. Kənd, qəsəbə və kollektivlərdə aktivliyi təmin etmək üçün kütləvi izahat, təbliğat-təşviqat işləri aparılır. Rayon icra hakimiyyətində yaradılan qərargah müayinələrin gedişinə ciddi nəzarət edir. Fiziki imkanları məhdud, ahıl insanların müayinəsi də diqqət mərkəzində saxlanılır. Üç səyyar həkim briqadası bu kateqoriyadan olan sakinlərin müayinəsini evlərdə aparır.

Rayon mərkəzi xəstəxanasının baş həkimi Telman Zahidov bildirib ki, aksiyanın yüksək səviyyədə keçirilməsi üçün mərkəzi xəstəxana ilə yanaşı, bir kənd xəstəxanası, 15 həkim məntəqəsi,100-dən çox həkim və orta tibb işçisi kampaniyaya cəlb olunub.

Qrafikə uyğun olaraq, ilkin mərhələdə şəhər sakinləri, idarə, müəssisə və təşkilatlarda işləyənlər tibbi müayinələrə cəlb ediliblər. Artıq 5 kollektivdə müayinələr başa çatdırılıb. Tibbi müayinədən keçirilmiş 1300 nəfərdən 170-nə ambulator, 1 nəfərinə stasionar müalicə təyin edilib. Bir nəfər isə daha ətraflı müayinə və müalicə üçün Bakı şəhərindəki ixtisaslaşdırılmış tibb müəssisəsinə göndərilib.

Hazırda rayonun 52 yaşayış məntəqəsində aksiyanın mütəşəkkil keçirilməsi üçün operativ tədbirlər və təşkilati işlər görülür. Yaxın günlərdə kənd və qəsəbə sakinlərinin də kütləvi dispanserizasiyasına başlanılacaq.