18 Fevral 2018 12:02
826
Oxucu məktubları
A- A+

Əl-qolunuzu çırmayıb əməklə məşğul olun

 

Həyatda çətinliyə düşməyən az insan tapılar. Mənim ailəm də belə bir vəziyyətə düşmüşdü. Maddi durumumuz ağırlaşmışdı, gəlir yerimiz də yox idi. Lakin “hər bağlı qapının bir açarı olur”, - deyirlər. 2016-cı ilin yay ayları idi. 5 uşağımı da götürüb rayon icra hakimiyyətinə getmişdim. Fikrim maddi yardım istəmək idi...

İcra hakimiyyətində bizə qayğı ilə yanaşdılar, izah etdilər ki, birdəfəlik yardım çıxış yolu deyil, ailəni saxlamaq üçün sabit gəlir - iş, məşğuliyyət olmalıdır. Yol da göstərdilər, iş təklif etdilər: pambıqçılıqla məşğul olmağı məsləhət gördülər. Beləcə, ailəliklə pambıq sahələrinə çıxdıq - mən tarlaları suladım, ailə üzvlərim qulluq edib sonda məhsulu topladılar. Nəticədə ailəliklə 4 min manat pul qazandıq. Ötən il də eyni qaydada 12 hektar pambıq sahəsindən 6 min manat mənfəət götürdük. Nəhayət, ailəmin maddi vəziyyəti düzəlib. Hətta evimizin dam örtüyünü təzələmişik, yeni tövlə tikmişik. Bu il daha böyük pambıq sahəsi götürmək fikrindəyik...

Ailənin, uşağın üzünə dik və qürurla baxmaq üçün halal zəhmətlə çörək qazanmaq ən doğru yoldur. Bizə bu faydalı yolu göstərənlərə minnətdarlığımı ifadə etməklə yanaşı idarə-müəssisə önündə maddi yardım üçün boynunu büküb gözləyənlərə də eyni məsləhəti  verirəm: əl-qolunuzu çırmayıb əməklə məşğul olun. Kənd təsərrüfatında gəlirli sahə çoxdur. Bacardığınız  işin qulpundan tutub heç kimdən asılı olmadan pulunuzu qazanıb ailənizi saxlayın.

 

Elçin RƏHİMOV,

Kürdəmir rayon Qarasaqqal kəndinin sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video