18 Fevral 2018 12:02
1300
Oxucu məktubları
A- A+

Xatirə bulaq

 

Büzeyir ucqar dağ kəndidir. Lerik-Kərvəz magistral yolunun üstündə, dəniz səviyyəsindən 2000 metr hündürlükdə yerləşir. Kənd daha çox qədim insan məskənləri - Büzeyir və Zuvandçay mağaraları ilə tanınır. Bumbuz bulaqları, quşqonmaz qayaları var bu kəndin. Yamaclarında bitən otlar və çiçəklər min bir dərdin dərmanıdır. Əməksevər adamları dağlar qoynunda meyvə bağları salıblar. Onlar tərəvəz əkib becərir, arıçılıqla məşğul olurlar.

Burada II Dünya müharibəsində, eləcə də Qarabağ döyüşlərində həlak olanların xatirəsi də  əbədiləşdirilib. 1941-1945-ci illər müharibəsinin veteranı Balamirzə Kəlbiyev Qafqazdan Praqayadək döyüş yolu keçmişdi. Bir ayağını itirib əlil qayıtmışdı. Yarım əsr müəllim işlədi. Kənd ağsaqqallar şurasının sədri idi. O, 93 yaşında dünyasını dəyişdi. Büzeyirin ziyalıları Balamirzə müəllimin xatirəsinə bulaq tikməyi qərara aldılar. Bu xeyirxah  işə çox adam qoşuldu. Bir  kilometr məsafədən dağdakı bulağın suyu yolun kənarına çəkildi, ağsaqqalların təklifi ilə  “Baba bulağı” adlandırıldı.

“Baba bulağı”nın ətrafında dincəlmək üçün yer də ayrıldı. Yolçular burada ayaq saxlayır, saf sudan içib ətrafı seyr edirlər. Bulağın suyundan təkcə yoldan keçənlər deyil, yaxın kəndlərin, Lerik şəhərinin yüzlərlə sakini də istifadə edir. Büzeyir ziyalıları bulağın ətrafında ağac və gül kolları əkib, abadlıq işləri aparıblar.

 

Ruslan İSMAYILOĞLU,

Lerik şəhəri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video