18 Fevral 2018 12:02
787
Oxucu məktubları
A- A+

Daha özümü cəmiyyətdən ayrı saymıram

 

Hörmətli redaksiya!

Mən anadangəlmə əliləm. Əvvəllər evdə əl arabasında oturub düşünürdüm ki, görəsən, nə vaxtsa bir işin qulpundan yapışıb insanlara fayda verə bilərəmmi? Xeyli götür-qoydan sonra ev şəraitində müxtəlif əl işləri hazırlamağa başladım. Valideynlərim də mənə dəstək oldular. Lazım olan materialları alıb gətirdilər. Müxtəlif parçalardan bəzək əşyaları düzəltdim. Əl işlərim görənlərin xoşuna gəldi. Ruhlanıb işə daha ürəkdən girişdim. Sonra qərara gəldim ki, rayonumuzda, eləcə də ətraf bölgədə olan fiziki qüsurlu gəncləri bir araya gətirib, satış sərgi açaq. Sağ olsunlar, rayonda hamı bu arzumu gerçəkləşdirmək üçün kömək göstərdi. Bu yaxınlarda rayonumuzda 12 əlil gəncin 100-ə yaxın əl işlərindən ibarət satış-sərgi açıldı. Sərgiyə gələnlər işləri bəyənib çox hissəsini aldılar. Sərgidə özümün də 6 əl işim satıldı. Evimizə əlidolu qayıtdıq. Bax, onda bildim ki, insan nə qədər fiziki cəhətdən qüsurlu olsa da, həvəs, arzu onu cəmiyyətin fəal üzvünə çevirə bilər.

Bu məktubu da ona görə yazdım ki, əlil insanlar heç vaxt ruhdan düşməsinlər. Onlar da arayıb axtarsalar, həyatlarını mənalı qura bilərlər. Axı, ölkəmizdə fiziki cəhətdən qüsuru olan insanların cəmiyyətə inteqrasiyası dövlət səviyyəsində diqqət mərkəzində saxlanılır. Bunu öz timsalımda görürəm.

 

Mətanət QULİYEVA,

Şəmkir rayon sakini,

I qrup əlil

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video