16 Fevral 2018 09:02
287
Elm və texnika
A- A+

Azərbaycan Tibb Universiteti ilə Bilik Fondu arasında əməkdaşlığa dair memorandum imzalanıb

Fevralın 16-da Azərbaycan Respublikasının Prezidenti yanında Bilik Fondu ilə Azərbaycan Tibb Universiteti (ATU) arasında əməkdaşlığa dair anlaşma memorandumu imzalanıb. Sənədi Bilik Fondunun icraçı direktoru Oktay Səmədov və ATU-nun rektoru Gəray Gəraybəyli imzalayıblar.

Bilik Fondundan AZƏRTAC-a bildiriblər ki, memorandumda birgə konfrans, simpozium və seminarların, əhalinin tibbi maarifləndirilməsi ilə bağlı layihələrin həyata keçirilməsi, sosioloji araşdırmalarla bağlı elmi-tədqiqat işlərinin yerinə yetirilməsi, yaradıcı gənclər arasında müsabiqələrin və ATU-nun müəllimlərinin ölkənin müxtəlif regionlarında mühazirələrinin təşkili nəzərdə tutulur.

G.Gəraybəyli ATU-da yerinə yetirilən elmi tədqiqat işləri, tibb sahəsi üzrə yüksək ixtisaslı kadr hazırlığı barədə məlumat verib. Rektor Bilik Fondunun ölkədə bütün sahələrdə aparılan quruculuq proseslərini, daxili və xarici siyasətin mahiyyətini ictimaiyyətə çatdıran bir qurum olduğunu vurğulayıb, universitetin bu təşkilatla əməkdaşlığından məmnunluğunu bildirib.

O.Səmədov rəhbərlik etdiyi qurumun missiyasından, bu günədək görülən işlərdən, layihələrdən danışıb. Bildirilib ki, fondun apardığı maarifləndirici işlər arasında əhalinin tibbi maarifləndirilməsi və sağlam həyat tərzinin təbliği xüsusi yer tutur. ATU-nun müəllimlərinin də fondun “Tibbi maarifləndirmə” proqramı çərçivəsində həyata keçirilən layihələrdə iştirakının əhəmiyyətini qeyd edən icraçı direktor bu əməkdaşlığın əhalinin praktik biliklərinin artırılmasına, sağlam və bilikli insan potensialının formalaşmasına töhfə verəcəyinə əminliyini bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video