Alternative content

12:54 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Laçınlı məcburi köçkünlər kütləvi tibbi müayinələrin təşkilindən razıdırlar
Laçınlı məcburi köçkünlər kütləvi tibbi müayinələrin təşkilindən razıdırlar
ANA SƏHİFƏ / Səhiyyə
03:02 16.02.2018

Prezident İlham Əliyevin tapşırığına əsasən ölkənin bütün vətəndaşları kimi laçınlı məcburi köçkünlərin də kütləvi tibbi müayinədən keçirilməsi uğurla davam edir.

Laçın Rayon Mərkəzi Xəstəxanasının baş həkimi Güllü İbadova AZƏRTAC-ın bölgə müxbirinə bildirib ki, sakinlər müxtəlif ixtisaslı həkimlər tərəfindən müayinə olunur, ehtiyac olduqda kardioqram, ultrasəs və digər müayinələrdən keçirilir. Bu günədək müayinədən keçən 241 nəfər sakindən 94-ü ambulator müalicəyə cəlb edilib, 11 nəfər isə müalicə üçün respublikamızın ixtisaslaşmış xəstəxanalarına göndərilib.

Bundan başqa, həkim briqadaları tərəfindən Taxtakörpü ərazisindəki obalarda yaşlılara və yataq xəstələrinə tibbi xidmət göstəriləcək.

Prezident İlham Əliyevin Azərbaycanın hər bir vətəndaşının sağlamlığına diqqəti və qayğıkeş münasibəti laçınlı məcburi köçkünlər tərəfindən minnətdarlıqla qarşılanır. Ağcabədi rayonunun Taxtakörpü ərazisindəki Laçın rayon poliklinikasında müayinədən keçən Düşərgə qəsəbə tam orta məktəbinin müəllimləri Ramil Allahverdiyev və Süleyman Şahverdiyev AZƏRTAC-ın bölgə müxbiri ilə söhbətlərində aksiyanın təşkilindən, həkim heyətindən, yaradılan şəraitdən razılıq edib, əhalinin sağlamlığının qeydinə qaldığı üçün Prezident İlham Əliyevə minnətdarlıqlarını bildiriblər.