Alternative content

03:24 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bilik Fondu Misir Ali Təhsil Nazirliyinin xüsusi mükafatına layiq görülüb
Bilik Fondu Misir Ali Təhsil Nazirliyinin xüsusi mükafatına layiq görülüb
ANA SƏHİFƏ / Təhsil
05:02 12.02.2018

Misir Ərəb Respublikasının ölkəmizdəki səfirliyinin Mədəniyyət və Təhsil Əlaqələri Mərkəzinin müdiri, mədəniyyət attaşesi Əhməd Sami Elaydi Azərbaycan Respublikasının Prezidenti yanında Bilik Fondunun icraçı direktoru Oktay Səmədov və qurumun əməkdaşları ilə görüşüb.

Bilik Fondundan AZƏRTAC-a bildiriblər ki, O.Səmədov Misir səfirliyi ilə həyata keçirilən layihələrin uğurlu nəticələrindən söz açıb. Qeyd edilib ki, Mədəniyyət və Təhsil Əlaqələri Mərkəzi fondun “Azərbaycan elmi dünyada” və “Dünya elmi Azərbaycanda” layihələri çərçivəsində yaxından iştirak edərək, respublikadakı tolerant mühitin təbliğ və təşviq olunmasına böyük töhfələr verib. Ötən il Bakıda keçirilmiş IV İslam Həmrəyliyi Oyunları üçün könüllülərin hazırlığı mərhələsində Bilik Fondu və mərkəzin birgə dəstəyi ilə təşkil edilmiş ərəb dili kursları, misirli alimlərin ölkəmizin bir sıra elm, təhsil müəssisələrində işgüzar görüşləri və silsilə mühazirələri gənc tədqiqatçılar, tələbələr üçün xüsusilə faydalı olub.

Ə.Elaydi Azərbaycan ilə Misir arasında dostluq münasibətlərinin yüksələn xətt üzrə inkişaf etdiyini xatırladaıb, elmi və mədəni əlaqələrin daha da genişləndirilməsi məqsədilə keçirilən maarifləndirici tədbirlərə qatılmaqdan, Bilik Fondunun proqram və layihələrində iştirak etməkdən məmnunluğunu bildirib.

Mərkəzinin müdiri, maarifləndirici layihələrə verdiyi dəstəyə və iki ölkənin elm, təhsil və mədəniyyət sahələrində əlaqələrin möhkəmləndirilməsində fəal iştirakına görə Bilik Fondunun rəhbərliyinə minnətdarlığını bildirib, O.Səmədova Misir Ərəb Respublikasının Ali Təhsil Nazirliyinin xüsusi mükafatını təqdim edib.