Alternative content

19:53 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Seçenov Universitetinin Bakı filialının tələbələri Münxen xəstəxanasında təcrübə keçiblər
Seçenov Universitetinin Bakı filialının tələbələri Münxen xəstəxanasında təcrübə keçiblər
ANA SƏHİFƏ / Səhiyyə
09:02 08.02.2018

İ.M.Seçenov adına Birinci Moskva Dövlət Tibb Universitetinin (Seçenov Universiteti) Bakı filialının III kurs tələbələri Cəmil Əfəndiyev, Fərrux Rəhmətzadə və Yunus Əliyev qış tətili dövründə Münxen Texniki Universitetinin (Almaniya) nəzdindəki “Klinikum rechts der Isar” xəstəxanasının urologiya bölməsində tibbi təcrübə keçiblər.

Universitetin Bakı filialının mətbuat xidmətindən AZƏRTAC-a bildiriblər ki, tələbələr hər gün xəstəxananın səhər toplantısında iştirak ediblər. Bu toplantılarda radioloji və histoloji göstəricilərlə uroloji patologiyaları olan xəstələrin klinik vəziyyətlərinə baxılıb, həmçinin müalicə prosesinin planı, operativ müdaxilə, sonrakı mərhələdə radio və kimya terapiya müzakirə olunub.

Təcrübə zamanı tələbələr həkimin xəstə ilə sual-cavab prosesi ilə tanış olmaq, pasiyentlərin xəstəlik tarixçəsinin tərtibi, pasiyentlərin sidik yolu sisteminin ultrasəs müayinəsinin keçirilməsi, həmçinin radikal sistektomiya, radikal prostatektomiya, prostat vəzinin transuretral rezeksiyası və böyrək rezeksiyası ilə tanış olmaq imkanı əldə ediblər.

Prostatektomiyanın doktor Maurer tərəfindən “Da Vinçi” aparatının köməyi ilə robotlaşdırılmış əməliyyatını izləmək tələbələr üçün maraqlı bir təcrübə olub. Belə ki, robotu əməliyyat masasına söykəyib, 4 ətrafına laparoskopik alətlər və kamera ilə qarmaqlar keçiriblər. Sonra həkim Maurer idarəetmə pultunun arxasına keçib və buradan qarın boşluğunu geniş şəkildə görməklə, əlin şəhadət və baş barmaqlarının köməyi ilə alətləri idarə edib. Əlin və barmaqların hərəkəti alətlərin “izləri” ilə üst-üstə düşüb və robota ötürülüb.

Tələbələr, həmçinin xəstəxanada radioloq işləyən soydaşımız, nüvə tibbi mütəxəssisi doktor Kərimovun müşayiəti ilə radiologiya bölməsi ilə tanış olublar.

Sonda tələbələrə “Klinikum rechts der Isar” xəstəxanasının urologiya bölməsində təcrübə keçmələri haqqında sertifikatlar təqdim edilib.