08 Fevral 2018 08:02
362
Elm və texnika
A- A+

Binəqədidə “Hüquq maarifləndirmə” proqramı üzrə mühazirə dinlənilib

Azərbaycan Respublikasının Prezidenti yanında Bilik Fondunun təşkilatçılığı ilə “Hüquqi maarifləndirmə” proqramı çərçivəsində Binəqədi Rayon İcra Hakimiyyətinin ənənəvi “Məlumat saatı” keçirilib.

Fonddan AZƏRTAC-a bildirilib ki, tədbirdə Koordinasiya Şurasının hüquqi maarifləndirmə bölməsinin üzvü, Bakı Dövlət Universitetinin hüquq fakültəsinin dekanı, hüquq elmləri doktoru, professor Əmir Əliyevin “Azərbaycan Respublikasının beynəlxalq cəmiyyətə inteqrasiyasında hüquqi islahatların rolu” mövzusunda mühazirəsi dinlənilib.

Professor Ə.Əliyev bildirib ki, Azərbaycan beynəlxalq cəmiyyətin tamhüquqlu müstəqil subyekti kimi, demokratik, hüquqi və dünyəvi dövlət quruculuğunu, eyni zamanda, bəşər sivilizasiyasının idealları olan azadlığı, insan hüquqlarını, ədaləti və sülhü özünün inkişaf yolu seçib. İnsan hüquqları amilinin ümummilli lider Heydər Əliyevin fəaliyyətinin əsasını təşkil etdiyini deyən natiq həmin dövrdə kifayət qədər normativ-hüquqi sənədlərin qəbul olunduğunu diqqətə çatdırıb.

Prezident İlham Əliyevin bu siyasəti uğurla davam etdirdiyini vurğulayan Ə.Əliyev həm ölkə daxilində, həm də beynəlxalq aləmdə yürüdülən siyasətdən söz açıb. O, həmçinin Heydər Əliyev Fondunun fəaliyyətinin dövlətimizin hərtərəfli inkişafına, vətəndaş cəmiyyəti quruculuğu prosesinin sürətləndirilməsinə, beynəlxalq əlaqələrin daha da inkişafına əvəzedilməz töhfə verdiyini söyləyib.

Dinləyicilər alimin çıxışını yüksək dəyərləndirib, Azərbaycan Respublikasının Konstitusiyasında və qanunlarda dəyişikliklərlə bağlı mühazirələrin təşkilinə böyük ehtiyac duyduqlarını bildiriblər.

Sonda suallar cavablandırılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video