Alternative content

12:50 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Uşaqların internetdə təhlükəsizliyinin təmin edilməsi üçün yeni mexanizmlər hazırlanır
Uşaqların internetdə təhlükəsizliyinin təmin edilməsi üçün yeni mexanizmlər hazırlanır
ANA SƏHİFƏ / Elm və texnika
07:02 03.02.2018

 

Müasir dövrümüzdə internet yalnız maraqlı və əhəmiyyətli məlumatlarla deyil, həm də ziyanlı və təhlükəli veb-səhifələrlə dolu olan qlobal şəbəkədir. Uşaqlara zərərsiz olan veb-səhifələrin axtarışı, aşkarlanması və əldə edilməsi üçün xüsusi metod və vasitələrdən istifadə olunmalıdır. Onların internetdə təhlükəsizliyinin təmin edilməsi üçün Azərbaycan Milli Elmlər Akademiyasının (AMEA) İnformasiya Texnologiyaları İnstitutunda yeni mexanizmlər hazırlanır.

İnstitutdan AZƏRTAC-a bildirilib ki, hazırda uşaqların internetdən təhlükəsiz istifadəsi problemlərinin həllinə yönəlmiş çoxlu sayda proqram təminatlarının olmasına baxmayaraq daha optimal üsulların, etibarlı proqram vasitələrinin və mexanizmlərin yaradılmasına ehtiyac var. Son vaxtlar təhlükələrin yaratdığı problemlərin qarşısının alınması məqsədilə veb-analitika və s. sistemlər yaradılır. Uşaq və yeniyetmələrin təhlükəsizliyinin təmin edilməsi məqsədilə profilaktika işləri, valideynlərlə iş, informasiya resurslarından istifadə, texniki nəzarət kimi üsullardan istifadə olunur. Hazırda bu istiqamətdə işlər davam etdirilir.