Alternative content

01:58 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Nurlana Əliyeva: Bu gün Azərbaycan dövləti gənclərə daha böyük diqqət və qayğı göstərir
Nurlana Əliyeva: Bu gün Azərbaycan dövləti gənclərə daha böyük diqqət və qayğı göstərir
ANA SƏHİFƏ / Təhsil
09:02 01.02.2018

Bakı Slavyan Universitetində (BSU) 2 fevral - Gənclər Gününə həsr olunan elmi konfrans keçirilib.

BSU-dan AZƏRTAC-a bildiriblər ki, universitetin rektoru, professor Nurlana Əliyeva Gənclər Gününün yaranmasından söz açıb, ölkəmizdə bu günün bayram kimi qeyd edilməsinin ənənəvi hal aldığını söyləyib.

Bildirilib ki, ümummilli lider Heydər Əliyevin Azərbaycan dövlətçiliyi sahəsində müəyyənləşdirdiyi prinsiplər onun layiqli davamçısı Prezident İlham Əliyevin apardığı uğurlu siyasət nəticəsində reallığa çevrilib. Bu gün Azərbaycan dövləti gənclərə daha böyük diqqət və qayğı göstərir. Gənclər Gününün ölkəmizdə bayram kimi qeyd olunması da bu diqqət və qayğının təzahürüdür.

N.Əliyeva gənclərin fəaliyyətləri ilə bu etimadı hər an doğrultduğunu və Prezident İlham Əliyevi daim dəstəklədiklərini vurğulayıb. Rektor son illərdə Azərbaycanın keçdiyi böyük inkişaf yolundan, respublikamızın regionda lider dövlətə çevrilməsindən söz açıb, hər bir azərbaycanlı gəncin bu dövlətin vətəndaşı olması ilə qürur duyduğunu bildirib. Rektor gəncləri müstəqilliyimizin qorunması sahəsində üzərlərinə düşən vəzifəni yerinə yetirməyə çağırıb.

Professor Habil Məmmədov “XXI əsrin çağırışları və Azərbaycan gəncliyi”, magistratura şöbəsinin ikinci kurs tələbəsi Natiq Nəsirov “Azərbaycan dövlətinin gənclər siyasəti”, tələbələr Emin Şeydayev, Vaqif Yəhyalı “Gənclər bizim gələcəyimizdir”, “BSU-nun gənclər siyasətinə verdiyi töhfələr ” mövzularında çıxış ediblər.

Sonra Belarusda keçirilən “53-cü Beynəlxalq Ulduz yürüşü”ndə iştirak etmiş tələbələrin hesabatı dinlənilib.