Alternative content

07:52 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Həkimlər uşaqlar üçün “Facebook” messencerini bağlamağı tələb edirlər
Həkimlər uşaqlar üçün “Facebook” messencerini bağlamağı tələb edirlər
ANA SƏHİFƏ / Səhiyyə
06:01 30.01.2018

ABŞ-ın “Reklamsız uşaqlıq naminə” (Campaign For a Commercial-Free Childhood) təşkilatı “Facebook”un 13 yaşdan kiçik uşaqlar üçün nəzərdə tutulan “Messenger Kids” proqramını bağlamağı tələb edir.

AZƏRTAC xarici KİV-lərə istinadla xəbər verir ki, təşkilatın nümayəndələri sosial şəbəkənin banisi Mark Sukerberqə bu barədə açıq məktub ünvanlayıb. Sənədi 110-dan çox həkim, pedaqoq, psixoloq və uşaqlarla işləyən digər mütəxəssislər imzalayıb.

Məktub müəlliflərinin fikrincə, messencer vasitəsi ilə ünsiyyət uşağın inkişafina mənfi təsir göstərir. Onlar sosial şəbəkələr və yeniyetmə depressiyası arasında əlaqənin müəyyən olunması üzrə tədqiqatların nəticələrinə əsaslanırlar.

“Azyaşlı uşaqlar sosial şəbəkələrdə ünsiyyət qurmağa hazır deyillər. Onlar internet vasitəsi ilə ünsiyyətin qəlizliyini başa düşmək üçün yetərincə böyüməyiblər və bu, əksər hallarda anlaşmazlığa və münaqişələrə gətirib çıxarır”, - deyə müraciətdə vurğulanır.

Qeyd edək ki, “Facebook” sosial şəbəkəsi “Messenger Kids” proqramını ötən ilin dekabr ayında istifadəyə verib.