29 Yanvar 2018 09:01
465
PARLAMENT
A- A+

Peşə təhsilinin inkişafı stimullaşdırılır

Yanvarın 29-da Milli Məclisin Elm və təhsil komitəsinin ilk iclası keçirildi. İclasda 2017-ci ilin payız sessiyası dövründə görülün işlər və bu ilin yaz sessiyası üçün müzakirəsi nəzərdə tutulan layihə və planlardan bəhs olundu.

Komitə sədri İsa Həbibbəyli hesabat dövründə görülən işlər haqqında məlumat verdikdən sonra qarşıda duran layihələrdən söz açdı. Bildirdi ki, bu il də komitə üçün elm və mədəniyyət sahəsində vacib qanunların müzakirəsi, yeni layihələrin uğurlu icrası ilə əlamətdar olacaq.
Komitə sədri Azərbaycanda elmə, təhsilə verilən dəyərin önəmini qeyd edərək “Peşə təhsili haqqında” qanun layihəsinin əhəmiyyətindən danışdı. Qeyd etdi ki, Prezident İlham Əliyev təhsilin inkişafına hər zaman xüsusi diqqət yetirib. Bu gün peşə təhsilinin inkişafının stimullaşdırılması bu sahənin gündəmə gətirilməsi və qazanılan uğurlar dövlət başçısının iradəsi ilə mümkün olub. Təsadüfi deyildir ki, bu ayın 17-də dövlət başçısı ilk peşə-ixtisas təhsili müəssisələrində çalışan, bilik və bacarıqlarının diaqnostik qiymətləndirilməsi aparılmış müəllimlərin dərs yükünün və əməkhaqlarının, idarəetmə və təlim fəaliyyəti ilə məşğul olan işçilərin isə əməkhaqlarının artırılması haqqında sərəncam imzaladı.
Əksər istiqamətlərdə yüksəkixtisaslı kadrların hazırlanmasında peşə təhsilinin önəmli olduğunu vurğulayan komitə sədri qeyd etdi ki, “Peşə təhsili haqqında” qanun layihəsi ölkəmizdə peşə hazırlığının səmərəliliyinin artırılması və rəqabətqabiliyyətli ixtisaslı kadrların hazırlanması məqsədilə bu sahədə dövlət siyasətinin prinsiplərini, təhsil və təlim sisteminin təşkilati-hüquqi, iqtisadi əsaslarını müəyyən edir. İ.Həbibbəyli bildirdi ki, komitənin əvvəlki iclaslarında bu layihə haqqında fikir mübadiləsi aparılıb. Artıq layihə plenar iclasa tövsiyə olunub.
Sonra iclasda komitənin cari ildə müzakirəyə çıxarılması nəzərdə tutulan bir neçə məsələ haqqında danışıldı. Konkret olaraq qeyd olundu ki, komitə bu il də elmin, təhsilin inkişafında öz işini uğurla icra etməyə çalışacaq. Hazırda “Ümumi təhsil haqqında” yeni qanun layihələrinin və digər sənədlərin, eyni zamanda yaz sessiyası ərzində “Tələbə kreditləri haqqında” qanun layihəsinin hazırlanması planlaşdırılır.


Elnur HADIYEV,
“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video