29 Yanvar 2018 09:01
453
PARLAMENT
A- A+

Duarte Paçeko: Azərbaycanda iqtisadi, siyasi, humanitar sahələrdə həyata keçirilən islahatlar təqdirəlayiqdir

Yanvarın 29-da Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov Parlamentlərarası İttifaqda “12 Plyus Geosiyasi Qrupu”nun katibi, Portuqaliya Parlamentinin deputatı Duarte Paçeko ilə görüşüb.

AZƏRTAC xəbər verir ki, Səməd Seyidov Azərbaycanın Parlamentlərarası İttifaqla əməkdaşlıqda maraqlı olduğunu söyləyib. “12 Plyus Geosiyasi Qrupu”nun əlaqələrin möhkəmləndirilməsində rolunu qeyd edən komitə sədri deputatlarımızın müxtəlif beynəlxalq təşkilatlarda fəaliyyəti barədə danışıb. S.Seyidov deputatlarımızın avropalı deputatlarla qarşılıqlı ünsiyyət yaradaraq, ölkəmiz barədə həqiqətlərin yayılmasında faydalı işlər gördüklərini deyib. O, parlament nümayəndə heyətinin AŞPA-nın bu günlərdə keçirilən qış sessiyasında iştirakı barədə də məlumat verib.

Milli Məclisin komitə sədri bildirib ki, Azərbaycan demokratik, hüquqi, dünyəvi dövlətdir. Konstitusiyamızda qanunun aliliyi, insan hüquqlarının qorunması prinsipləri təsbit olunub. Ölkə vətəndaşları təhlükəsizlik və sabitlik şəraitində yaşayırlar. Dövlətimizin başçısının Sərəncamına əsasən, 2018-ci il “Azərbaycan Xalq Cümhuriyyəti İli” elan olunub və bununla əlaqədar bir sıra tədbirlərin keçirilməsi nəzərdə tutulub.

Duarte Paçeko təmsil etdiyi qurumla Azərbaycan arasında səmərəli əməkdaşlığın inkişafı üçün hər iki tərəfdən lazımi addımların atılmasının önəmli olduğunu deyib. Qonaq ölkəmizdə iqtisadi, siyasi, humanitar və digər sahələrdə uğurla həyata keçirilən islahatları, dövlətimizin beynəlxalq səviyyədə rolunun möhkəmlənməsini yüksək qiymətləndirib.

Görüşdə insan hüquqlarının müdafiəsi baxımından son zamanlar ölkə qanunvericiliyində edilən mühüm dəyişikliklər, regional münaqişələrin həlli, dövlətimizin terrorla mübarizəyə verdiyi töhfələr və digər məsələlər barədə fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video