Alternative content

22:07 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Astara Bilik Evində dərnək üzvlərinə sertifikatlar verilib
Astara Bilik Evində dərnək üzvlərinə sertifikatlar verilib
ANA SƏHİFƏ / Elm və texnika
09:01 29.01.2018

Azərbaycan Respublikasının Prezidenti yanında Bilik Fondunun Astara Bilik Evində “İlboyu bilik” proqramı üzrə altı ay müddətində fəaliyyət göstərən “Toxuculuq” dərnəyinin məşğələləri uğurla başa vurmuş üzvlərinə sertifikatlar təqdim olunub.

Bilik Fondundan AZƏRTAC-a bildiriblər ki, Astara Heydər Əliyev Mərkəzində keçirilən mərasimdə sertifikat alanlar dərnəyin təşkilində, astaralı qızların toxuculuq sənətinin sirlərinə yiyələnməsində əməyi keçənlərə minnətdarlıqlarını çatdırıb, həm bu sənətin inkişafı, həm də özlərinin peşə bacarıq vərdişlərinin artırılması üçün həvəslə çalışacaqlarını söyləyiblər.

Bilik Fondunun ölkənin müxtəlif bölgələrində - Bakının Nardaran qəsəbəsi, İsmayıllı, Qax, Oğuz, Gəncə, Şəmkir, Ağstafa, Astara və Ağdaş rayonlarında bilik evləri fəaliyyət göstərir. Burada fondun dəstəyi ilə təşkil olunmuş təlim kursları və dərnəklərdə kompüter texnologiyaları, rus və ingilis dilləri, ədəbi yaradıcılıq, rəssamlıq, toxuculuq, bələdçilik üzrə məşğələlər keçirilir.