Qəhrəmanların əziz xatirəsi xalqımızın qəlbində əbədi yaşayacaq
Vətən uğrunda canını fəda etmiş hər bir Azərbaycan vətəndaşının xatirəsi xalqımızın qəlbində əbədi yaşayacaq. Şəhidlər qürurumuz, onların həyat və fəaliyyətləri ibrət mənbəyimizdir. Onlardan biri də Milli Qəhrəman Tofiq Hüseynovdur.
Xocalı şəhərində anadan olmuş T. Hüseynov məktəbdə hərbi hazırlıq müəllimi işləyirdi. Hərbi zabit idi. Hərbçi bilik və bacarığına malik olduğundan Xocalıda özünümüdafiə dəstəsinin yaradılmasında və formalaşdırılmasında fəal iştirak etmişdi. Döyüşçülər arasındakı nüfuzu və şəxsi keyfiyyətləri sayəsində tabor komandiri təyin olunmuşdu.
Tofiq və döyüşçüləri təhlükəli hərbi əməliyyatlar həyata keçirir, şücaətləri, igidlikləri ilə seçilirdilər. Tofiq “Mixaylo” ləqəbi ilə tanınırdı. O və döyüşçüləri dəfələrlə düşmən arxasına keçmişdilər. Hər dəfə də ermənilərin atəş nöqtələrini, hərbi texnikasını, silah-sursatını, canlı qüvvəsini məhv edərək geri dönmüşdülər. Hətta bir dəfə düşmənin reaktiv yaylım atəşi qurğusunu partlatdıqdan sonra bir dəstə erməni yaraqlısını əsir ala bilmişdilər. Bu əməliyyatdan sonra Tofiq Hüseynovun hərbi rütbəsi artırılmışdı.
Lakin o zaman vahid komandanlıq altında nizami ordu yaradılmadığından Xocalının müdafiəsini qurmaq və şəhəri işğaldan qorumaq mümkün olmadı. Buna rəğmən, o müdhiş gecə - ermənilərin Xocalıda törətdikləri soyqırımı zamanı Tofiq və onun sədaqətli döyüşçü dostları doğma yurdu tərk etmədilər. Tofiq Hüseynov axıra qədər mənfur düşmənlə döyüşən igidlərimizdəndir. Sursatı tükəndikdə sonuncu qumbaranı köksünə sıxıb onu diri tutmağa çalışan düşmənin yaxınlaşmasını gözləmiş, özünü partladaraq son nəfəsində də bir neçə qulduru məhv etmişdi. Bu hadisədən sonra ona Azərbaycanın Milli Qəhrəmanı fəxri adı verilmişdi.
Təəssüflə qeyd etmək istəyirəm ki, o dəhşətli gecə yüzlərlə xocalılı ilə bərabər Tofiq Hüseynovun ata-anası, həyat yoldaşı və qardaşı da ermənilər tərəfindən Xocalıda qəddarlıqla qətlə yetiriliblər.
Təkcə xocalılılar deyil, bütün Azərbaycan xalqı şəhidlərimizi, qəhrəmanlarımızı, o cümlədən Tofiq Hüseynovu unutmayıb, unutmayacaq da! Tədris prosesində şagirdlərin vətənpərvər ruhda tərbiyəsinə xüsusi önəm veririk. Xocalı gənclərinin and yeri qəhrəman Tofiq Hüseynovun da uyuduğu Şəhidlər xiyabanıdır. Qisassa işğal altındakı torpaqlarımızın - şəhər, rayon, qəsəbə və kəndlərimizin, Xocalının azad olunacağı gün alınacaq. Bunun üçün gənc nəsil də hər fədakarlığa, qəhrəmanlığa hazırdır.
Vəsilə MƏHƏRRƏMOVA,
Xocalı 2 saylı tam orta məktəbinin müəllimi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!