Alternative content

22:38 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Balın hikməti, Hikmətin balı...
Balın hikməti, Hikmətin balı...
ANA SƏHİFƏ / Oxucu məktubları
12:01 28.01.2018

 

Hikmət Əliyev orta ixtisas təhsilli aqronomdur. Uzun illər kənd təsərrüfatında çalışıb. Zəhmətsevərliyi ilə seçilib. Bu, onun ailə üzvlərinə də sirayət edib:

6 övladının hamısı zəhmətsevərdir. Ömür-gün yoldaşı İradə xanım da təsərrüfat işlərində ona yaxından kömək edir.

Artıq 30 ildən çoxdur ki, H.Əliyev  Amankənddə arıçılıqla məşğul olur. Balın hikməti hamıya  məlumdur - min bir  dərdin dərmanı, təbii qida məhsulu, müalicə vasitəsidir.  Bunları yaxşı bilən Hikmət də arıçılığa  ürəkdən bağlanıb. İlbəil arı ailələrinin sayını artırır.  Hikmət həm də maraqlı həmsöhbətdir. 2005-ci ildən hər il respublikada keçirilən arı məhsullarının sərgi-satış yarmarkalarının daimi iştirakçısı  olan Hikmət danışır ki, məhsulu yüksək keyfiyyətli olsa da, alveri bacarmadığından ilk dəfə yarmarkada cəmi bir kiloqram bal sata bilib. Elə oradaca öyrənib ki, sən demə, təkcə bal deyil, bütün arıçılıq məhsullarına -  muma, vərəmuma,  güləmə, arı südü və zəhərinə də böyük tələbat var.  Bundan sonra o, digər arıçılıq məhsulları da tədarük etməyə başlayıb. Beynəlxalq layihələrə qoşulub, sertifikatlar alıb. Dəfələrlə Türkiyədə, Rusiyada keçirilən beynəlxalq tədbirlərdə iştirak edib. Topladığı bilik və təcrübə sayəsində ailə təsərrüfatını bir qədər də genişləndirib.  Almaniyadan, Rusiyadan gətirilmiş, seleksiya olunmuş arılar hesabına ana arıların sayı artırılıb.  İndi  Hikmət 165, oğlu Xudaş 75, digər oğlu  Xilqət isə 10 arı ailəsinə xidmət göstərir.  Hər il bu zəhmətkeş ailə 2,5-3 ton bal istehsal edir.  Onlar təsərrüfatlarını bir qədər də böyütmək, şaxələndirmək, balın və digər arıçılıq məhsullarının istehsalını daha da artırmaq fikrindədirlər.

 

Mirzə CƏFƏROV,

Biləsuvar  şəhər sakini