Meliorasiya və irriqasiya sahəsində qanunvericilik təkmilləşdirilir
“2017-ci il ölkədə başqa sahələrdə olduğu kimi, aqrar sektorun da inkişafı baxımından əlamətdar olub. Prezident İlham Əliyevin tövsiyələrinə uyğun olaraq qeyri-neft sektoru və xüsusilə kənd təsərrüfatı iqtisadiyyatın aparıcı sahəsi kimi özünü doğruldub. Bunu qazanılan uğurlar təsdiqləyir. Azərbaycan kənd təsərrüfatı məhsulları daxili tələbatı ödəməklə yanaşı, dünya bazarına ixracında da güclü canlanma müşahidə olunub”. Bu fikirləri dünən Milli Məclisin Aqrar siyasət komitəsinin sədri Eldar İbrahimov komitənin iclasında səsləndirib.
Sonra komitə sədri iclasın gündəliyi barədə məlumat verərək bildirdi ki, Aqrar siyasət komitəsi payız sessiyası dövründə fəaliyyətini Milli Məclisin qanunvericilikdə nəzərdə tutulmuş iş planına uyğun şəkildə icra edib. Qanun layihələrinin müzakirələri komitənin iclaslarında nəzərdə tutulmuş müddətdə həyata keçirilib, vətəndaşların qəbuluna, ərizə və müraciətlərinə baxılmasına xüsusi diqqətlə yanaşılıb. Hesabat dövründə komitənin keçirdiyi 5 iclasda 17 məsələ, 13 qanun layihəsi müzakirə olunub. Bu qanun layihələri Milli Məclisin plenar iclasında qəbul olunub.
Sonra komitənin 2018-ci il yaz sessiyası üçün iş planının layihəsi haqqında müzakirələr aparıldı. “Meliorasiya və irriqasiya haqqında” qanunda dəyişikliklər edilməsi barədə layihəyə baxıldı. Bildirildi ki, meliorasiya və irriqasiya sistemlərinin istifadəsi zamanı su münasibətləri Azərbaycan Respublikasının su qanunvericiliyi ilə tənzimlənir. Su ehtiyatlarından səmərəli istifadə olunması, su təminatına yönəldilmiş dövlət xərclərinin ödənilməsi, suyun dəqiq uçotunun aparılması məqsədilə sudan ödənişli (düzəlişə qədər pullu) istifadə tətbiq edilir. Bu da Su məcəlləsinin 97-ci maddəsinə uyğun olaraq müəyyən edilir. Birliklərin suvarma suyu ilə təchiz edilməsi bu qanunun 13-cü maddəsində nəzərdə tutulmuş səlahiyyətləri həyata keçirən müvafiq icra hakimiyyəti orqanı ilə 10 ildən az olmayan müddətə bağlanan sazişə əsasən həyata keçirilir.
İclasda çıxış edən komitə üzvləri Azərbaycanın şirin su ehtiyatlarının az olduğunu nəzərə alaraq sudan səmərəli istifadənin vacibliyini vurğuladılar. Müzakirə olunan qanun layihəsi Milli Məclisin plenar iclasına tövsiyə edildi.
Elnur HADIYEV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!