Alternative content

11:54 14 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Məktəblilərin qış tətili maraqlı keçəcək
Məktəblilərin qış tətili maraqlı keçəcək
ANA SƏHİFƏ / Təhsil
04:01 26.01.2018

Yanvarın 27-dən ümumtəhsil məktəblərində qış tətili başlayacaq.

Bakı Şəhəri üzrə Təhsil İdarəsindən (BŞTİ) AZƏRTAC-a bildiriblər ki, bu qurumun tabeliyindəki ümumtəhsil məktəbləri şagirdlərinin qış tətilini səmərəli, mənalı və əyləncəli təşkil etmək üçün çoxlu maarifləndirici tədbir və ekskursiyalar nəzərdə tutulub. Məqsəd məktəblilərin asudə vaxlarının səmərəli keçirməsinə şərait yaratmaq, dünyagörüşlərini, bilik və bacarıqlarını artırmaq, həmçinin onlar arasında Azərbaycan təhsilinin nailiyyətlərlə zəngin inkişaf tarixini təbliğ etməkdir.

Tətil günlərində məktəblilər “YARAT” Müasir İncəsənət Mərkəzində olacaqlar. Fərqli yaş qruplarının tələbatına uyğun təşkil ediləcək ekskursiyalar zamanı mühazirələr və bir sıra yaradıcı oyunlar təşkil ediləcək.

Həmçinin məktəblilərin Xalq Təhsili Muzeyinə ekskursiyaları təşkil olunacaq. Şagirdlər muzeydə qabaqcıl təhsil müəssisələri və müəllimlər barədə məlumatlandırılacaq, eyni zamanda, tədris prosesini əks etdirən fotoşəkillər, nadir dərs vəsaitləri və ləvazimatlar, müxtəlif illərə məxsus dərslik və proqramlar, əl işləri, albomlar, maketlər və digər eksponatlarla tanış olacaqlar.

Tətil günlərində məktəblərin və valideynlərin təşəbbüsü ilə digər tarixi məkanlara və mədəniyyət mərkəzlərinə də ekskursiyalar təşkil ediləcək.

BŞTİ-nin tabeliyində fəaliyyət göstərən uşaq-gənclər inkişaf mərkəzləri də tətil günlərində fəaliyyətlərini davam etdirəcək. Bu müəssisələrdə məktəblilərin maraq, meyil və bacarıqlarının, intellektual səviyyə və yaradıcılıq qabiliyyətinin inkişafı üçün əlverişli şərait yaradılıb.

Ümumtəhsil məktəblərində tətildən sonra ilk dərslər fevralın 1-də olacaq.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM