Alternative content

01:56 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı Ali Neft Məktəbi “Petronas” şirkəti ilə əməkdaşlığa başlayır
Bakı Ali Neft Məktəbi “Petronas” şirkəti ilə əməkdaşlığa başlayır
ANA SƏHİFƏ / Təhsil
12:01 24.01.2018

Bakı Ali Neft Məktəbinin (BANM) rektoru Elmar Qasımov Malayziyanın “Petronas” şirkətinin Azərbaycan nümayəndəliyinin biznesin inkişafı, planlama və risklərin idarə edilməsinin rəhbəri, direktorun müavini Rəşad Məmmədov və korporativ əlaqələr şöbəsinin əməkdaşı Aysel Allahverdiyeva ilə görüşüb.

BANM-dən AZƏRTAC-a bildirilib ki, görüşdə rektor bu ali məktəbin fəaliyyəti, tələbələrin yüksək statistik göstəriciləri barədə məlumat verib. O, həmçinin BANM-in neft sektorunda əlaqə yaratdığı şirkətlər və onlarla əməkdaşlığın istiqamətlərindən danışıb.

“Petronas” şirkətinin BANM-in tələbələri ilə maraqlandığını vurğulayan R.Məmmədov iki müəssisə arasında əməkdaşlığın zəruriliyini qeyd edib. O deyib: “Niyyətimiz BANM-in tələbələrini “Bu günün öyrənənləri, sabahın liderləri” şüarı altında “Petronas” Təhsil Sponsorluq Proqramına cəlb etməkdir. Bu proqram vasitəsilə BANM-in bir neçə tələbəsi Malayziyada Petronas Texniki Universitetində dördillik bakalavriat səviyyəsində təhsili alacaq. Kimya mühəndisliyi, neft-qaz mühəndisliyi və neft-qaz geologiyası ixtisasları üzrə təhsil almaq şansı əldə edəcək tələbələr əvvəlcədən müəyyənləşmiş xüsusi kriteriyalar əsasında “Petronas Azərbaycan” şirkəti tərəfindən seçiləcəklər.

Görüşdə, həmçinin əməkdaşlığın inkişaf perspektivləri müzakirə olunub.