17 Yanvar 2018 04:01
361
Səhiyyə
A- A+

Azərbaycanın tanınmış plastik və rekonstruktiv cərrahına məxsus əməliyyat üsulu ABŞ dərsliyinə salınıb

ABŞ-ın Florida Tibb Kolleci Universitetinin dosenti, çənə-üz cərrahiyyəsi şöbəsinin rəhbəri, mikrovaskulyar cərrahiyyənin direktoru Rui Fernandesin müəllifi olduğu “Baş və boyun nahiyəsi rekonstruksiyası üzrə cərrahiyyədə yerli və regional fleplər. Praktiki yanaşma” dərsliyinə Azərbaycanın tanınmış plastik və rekonstruktiv cərrahı Vaqif Qələndərə məxsus cərrahiyyə üsulu ayrıca fəsil kimi daxil edilib.

Azərbaycan Tibb Universitetindən (ATU) AZƏRTAC-a bildiriblər ki, dərsliyin 20-ci fəsli həmvətənimizin yaratdığı “Süd vəzinin fasial-dəri fleb diaqnozlu daxili döş arteriyası cərrahiyyəsi: yeni flebin təsviri” mövzulu bölməyə həsr olunub. Burada azərbaycanlı cərrahın yaratdığı və neçə illərdir tətbiq etdiyi xüsusi metodikadan bəhs edilir.

Bu barədə danışan V.Qələndər deyib: “1999-cu ildən Səhiyyə Nazirliyinin və ATU-nun xüsusi icazəsi ilə, Azərbaycan məhkəmə tibbi ekspertizasının morqunda yeni insan meyitləri üzərində aparılan araşdırmalar nəticəsində öz təsdiqini tapan bu üsul, sonralar canlı insanlarda tətbiq edilməyə başlanıb. Beləliklə süd vəzinin və döş qəfəsi toxumalarının yenidən bərpası üçün yeni yanaşma ortaya qoyan metodika yaradılıb. 1999-cu ilin sentyabrın 29-da Kuşadasında keçirilən Dünya Plastik-Rekonstruktiv Cərrahiyyə Konqresinə təqdim olunan bu ixtira 360 yenilik içərisindən seçilərək beynəlxalq mükafat və diploma layiq görülüb”.

Bu cərrahiyyə üsulu haqqında dünyanın bir sıra nüfuzlu tibbi jurnallarında məlumatlar nəşr olunub, müxtəlif ölkələrdə tətbiq edilib.

Qeyd edək ki, V.Qələndər ATU-da plastik və rekonstruktiv cərrahiyyə ixtisası üzrə təhsil alan tələbələr və rezidentlər üçün hazırlanmış ilk dərs vəsaitlərinin müəllifidir. Cərrahın özünə məxsus altı yeni cərrahiyyə üsulu və 78 elmi əsəri xarici ölkə jurnallarında nəşr olunub, müxtəlif konfranslarda ictimaiyyətə təqdim edilib. Cərrah 30-dan çox xarici ölkədə keçirilən elmi konfranslarda məruzəçi qismində çıxışlar edib. Bundan əlavə V.Qələndər bir çox mürəkkəb əməliyyatları müvəffəqiyyətlə icra edib.

Azərbaycan Plastik Cərrahiyyə İctimai Birliyinin qurucusu və sədri olan V.Qələndər Bakıda plastik və rekonstruktiv cərrahiyyə üzrə üç beynəlxalq konfransın bilavasitə təşəbbüskarı və təşkilatçısı olub. O, eyni zamanda Beynəlxalq Plastik Cərrahiyyə Assosiasiyasının idarə heyətinin həqiqi üzvüdür.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video