Alternative content

15:16 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan Texniki Universiteti ilə Bilik Fondu arasında əməkdaşlıq müqaviləsi imzalanıb
Azərbaycan Texniki Universiteti ilə Bilik Fondu arasında əməkdaşlıq müqaviləsi imzalanıb
ANA SƏHİFƏ / Elm və texnika
04:01 15.01.2018

Azərbaycan Respublikasının Prezidenti yanında Bilik Fondu ilə Azərbaycan Texniki Universiteti (AzTU) arasında əməkdaşlıq müqaviləsi imzalanıb.

Müqavilədə birgə konfransların, simpoziumların, elmi-texniki layihələrin həyata keçirilməsi, elmi-tədqiqat işlərinin, kitabların nəşri, həmçinin təbliği, yaradıcı gənclər arasında müsabiqələrin və AzTU-nun müəllimlərinin ölkənin müxtəlif regionlarında mühazirələrinin təşkil edilməsi nəzərdə tutulub.

Universitetdən AZƏRTAC-a bildiriblər ki, yanvarın 15-də Bilik Fondunun icraçı direktoru Oqtay Səmədov AzTU-nun müəllimləri və təhsildə fərqlənən tələbələri ilə görüşüb.

AzTU-nun Heydər Əliyev Mərkəzində keçirilən görüşdə bu ali məktəbin rektoru vəzifəsini icra edən, professor Xalıq Yahudov Bilik Fondunun ölkədə aparılan sosial-iqtisadi və elmi-texniki quruculuq proseslərinin mahiyyətinin ictimaiyyətə çatdırılmasını təmin edən xüsusi məqsədli bir qurum olduğunu vurğulayıb, universitetin bu təşkilatla əməkdaşlığından məmnunluğunu bildirib.

O.Səmədov rəhbərlik etdiyi təşkilatın yaranma tarixindən, bu günədək görülən işlərdən, həyata keçirilən layihələrdən danışıb. Bildirilib ki, bu təşkilat Azərbaycan dövlətinin daxili və xarici siyasətinin, təhsil müəssisələrinin fəaliyyətinin təkmilləşdirilməsini dəstəkləyən tədbirlər, mühüm sosial problemlərin həllində elm və texnikanın rolunun yüksəldilməsi üçün bir çox layihələr həyata keçirir.

Sonda Bilik Fondu və AzTU arasında əməkdaşlıq müqaviləsi imzalanıb. Sənədi professor X.Yahudov və O.Səmədov imzalayıblar.