11 Yanvar 2018 10:01
317
Elm və texnika
A- A+

Tarix İnstitutunun direktoru: Azərbaycan Xalq Cümhuriyyətinin diplomatik əlaqələri araşdırılmalıdır

Azərbaycan Milli Elmlər Akademiyasının (AMEA) A.Bakıxanov adına Tarix İnstitutu Azərbaycan Xalq Cümhuriyyətin (AXC) 100 illiyi ilə bağlı beynəlxalq konfranslar keçirəcək. Prezident İlham Əliyevin bu ilin ölkəmizdə “Azərbaycan Xalq Cümhuriyyəti İli” elan edilməsi haqqında 2018-ci il 10 yanvar tarixli Sərəncamı Tarix İnstitutu tərəfindən böyük razılıqla qarşılanıb.

AZƏRTAC xəbər verir ki, bunu Tarix İnstitutunun elmi şurasının növbəti iclasında bu elm müəssisəsinin direktoru, akademik Yaqub Mahmudov söyləyib.

Y.Mahmudov qeyd edib ki, ulu öndər Heydər Əliyevin tapşırığına əsasən, Prezident İlham Əliyevin təşəbbüsü və qayğısı sayəsində Tarix İnstitutu ikicildlik “Azərbaycan Xalq Cümhuriyyəti Ensiklopediyası”nı çap etdirib. Həmçinin institutda “Azərbaycan Xalq Cümhuriyyətinin tarixi” elmi tədqiqat şöbəsi fəaliyyət göstərir. Cümhuriyyət tarixinə həsr olunan namizədlik və doktorluq dissertasiyalarının müdafiəsi olub və bu iş davam etdirilir.

Bildirilib ki, Tarix İnstitutu tərəfindən 20 Yanvar faciəsi, Xocalı soyqırımı, Türkmənçay müqaviləsi (1828) və tarixi şəhərimiz olan İrəvanın Ermənistana verilməsi (1918) ilə bağlı tədbirlər təşkil ediləcək. Həmçinin “XX əsrdə türk-müsəlman xalqlarına qarşı soyqırımları” və “Azərbaycan Xalq Cümhuriyyəti – 100” mövzularında iki beynəlxalq konfrans keçiriləcək.

Akademik qeyd edib ki, AXC-nin bolşevik Rusiyası ilə münasibətləri lazımınca və olduğu kimi öyrənilməyib. Bu istiqamət, eləcə də cümhuriyyətin diplomatik əlaqələri, daxildəki islahatlar lazımınca tədqiq olunmalıdır.

Elmi şuranın qərarına əsasən, “Azərbaycan Xalq Cümhuriyyətinin görkəmli dövlət xadimləri”, “Azərbaycan Xalq Cümhuriyyəti və 1918-1920-ci illərdə Şimali Qafqaz dövlətləri” (rusca), “Azərbaycan Xalq Cümhuriyyətinin tarixi Hindistan Milli Arxivinin sənədlərində” (rusca), “Şəki bölgəsi (1917-1920-ci illər)”, “Azərbaycanın Zəngəzur bölgəsi 1917-1920-ci illərdə” və “Azərbaycanın Naxçıvan bölgəsi regional hərbi-siyasi proseslərdə (1917-1920)” kitabları çap olunacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video